1 SAMUEL 18:13 - Dios Rimashcata Quillcashcami

¹³ Chaimantami Saulca paimanta anchurichun Davidtaca huaranga soldadocunata mandachun churarca. Shina churacpimi, Davidca soldadocunata pushashpa puric carca.

1 SAMUEL 18:13 ပူးပေါင်းရင်းမြစ်များ

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

SALMOS 121:8

Can yaicucpipish, llucshicpipish Mandac Diosmi cuidanga. Cunanmanta huiñaicamanmi cuidanga.

1 SAMUEL 18:25

Shina huillacpi Saulca: —Davidtaca: “Jatun mandacca ushimanta pagachunca mana munanchu. Ashtahuanpish pai jatun mandacta piñaccuna llaquichishcamanta patsac filisteocunata huañuchishpa paicuna charishca asha aicha carata pitishpa apamuchunmi munan” nigrichic— nirca. Saulca Davidta filisteocuna huañuchichun yuyashpami chashnaca nirca.

1 SAMUEL 22:7

Chaimantami Saulca paipac muyundipi shayacuc paita serviccunataca: —Benjamín aillucuna uyaichic. ¿Isaipac churica tucui cancunaman allpacunatapish, uvas chagracunatapish cunga yuyanguichicchu? ¿Cancunataca huaranga soldadocunata, patsac soldadocunata mandachun churanga yuyashpachu

1 SAMUEL 8:12

Shuccunataca huaranga soldadocunata mandachun, shuccunataca pichca chunga soldadocunata mandachunmi churanga. Shinallatac shuctaca paipac allpacunapi yapushpa tarpuchun, chai chagracunatapish tandachichunmi churanga. Shuccunataca macanacunata ruhuachunpish, carretacunapi ima minishtishcacunata ruhuachunpish churangami.