1 SAMUEL 18:10 - Dios Rimashcata Quillcashcami

¹⁰ Cayandi punzhaca Mandac Dios cachashca shuc millai espíritu japicpimi, Saulca pai mandana ucupi musparishpa rimariricurca. Davidca ñaupa punzhacuna shinallatacmi maquihuan arpapi tocacurca. Cutin Saulca lanzatami maquipi charicurca.

1 SAMUEL 18:10 ပူးပေါင်းရင်းမြစ်များ

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

1 REYES 22:12

Tucui huillaccunami chai shinallatac huillashpaca: «Mandac Diosmi chai pueblopi causaccunataca jatun mandacpac maquipi churashpa mishachinga. Chaimanta Galaad llacta Ramot puebloman huichai rilla» nirca.

JEREMÍAS 28:11

Quipaca Hananiasca gentecunapac ñaupapi rimashpaca: «Mandac Diosca: “Ishcai huata quipami Babilonia llactata jatun mandac Nabucodonosor tucui llactacunapi causaccunapac cungapi churashca yugotaca paquisha” ninmi» nirca. Shina nicpica, Jeremiasca chaimanta rircallami.

HECHOS 16:16

Shuc punzha Diosta mañangapac ricucpimi, adivinac espíritu japishca huarmi huambra tupangapac llucshirca. Chai huambraca adivinashpami, paipac amocunata yallita chayucyachirca.

2 TESALONICENSES 2:11

Chaimantami Diosca llullashpa crichichun, shinallatac llullashcata crichunpish poderta cunga.

JUECES 16:20

Chaimantami Dalilaca: «¡Sansón, filisteocunaca canta japigricunca!» nishpa caparirca. Sansón riccharishpaca: «Cutinllatac atishami» yuyashpa jatarirca. Ashtahuanpish paica Mandac Dios paimanta anchurishcataca mana yacharcachu.

1 SAMUEL 16:23

Mandac Dios cachashca mana alli espíritu Saulta japicpica, Davidmi arpapi tocac carca. Shina tocacpica, Saulca cushillami tucuc carca. Chaimantami Saulta llaquichic mana alli espirituca anchuric carca.

1 SAMUEL 18:9

Chai punzhamanta pachami Saulca Davidtaca piñai callarirca.

1 SAMUEL 19:10

Chaipimi Saulca lanzahuan shitashpa Davidta pirca quingraipi huañuchinata yuyarca. Ashtahuanpish David ladoyacpimi pircapi japirca. Chaimantami Davidca chai tutallatac miticungapac upalla rirca.

1 SAMUEL 19:7

Chai quipami Jonatanca Davidta cayashpa ima parlanacushcata tucui huillarca. Paimi Davidtaca Saulpacman pushamucpi, Davidca utcaman shinallatac Saulta servingapac saquirirca.

1 SAMUEL 19:9

Mandac Dios cachashca shuc millai espíritu shamushpami Saultaca cutin japirca. Saulca paipac huasipimi lanzata maquipi charicurca. Cutin Davidca arpapimi tocacurca.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.