1 SAMUEL 17:55 - Dios Rimashcata Quillcashcami

⁵⁵ Chai filisteohuan macanacungapac David ricta Saúl ricushpami paipac soldadocunata mandac Abnertaca: —¿Chai huambraca pipac churitac?— nishpa tapurca. Shina tapucpimi Abnerca:

1 SAMUEL 17:55 ပူးပေါင်းရင်းမြစ်များ

GÉNESIS 42:15

Cunanmi cancuna nishcata ricusha: Cancunapac quipa huauqui shamungacaman caimantaca manatac llucshinguichicchu.

1 SAMUEL 1:26

Shina cushpami Anaca: —¡Ñuca amitolla! Canca causacunguimi. Cambac ladopi mañashpa tiyacushca huarmillatacmi cani.

1 SAMUEL 14:50

Saulpac huarmica Ahimaaspac ushi Ahinoammi carca. Saulpac soldadocunata mandacca Nerpac churi Saulpac tio Abnermi carca.

1 SAMUEL 16:12

Shina nicpimi, cayachun cachashca ña chayamucpica, ucuman yaicuchirca. Chai churica puca accha alaja ñahui sumac huambrami carca. Pai chayamucpimi, Mandac Diosca Samueltaca: —¡Paimi jatun mandac tucugrin. Jatarishpa paipac umata aceitehuan cahui!— nirca.

1 SAMUEL 17:54

Davidca chai filisteopac umataca Jerusalenmanmi aparca. Ashtahuanpish chai filisteopac macanacunataca paipac carpa huasipimi huacaichirca.

1 SAMUEL 17:56

—¡Jatun mandaclla, pipac churi cactaca mana yachanichu! Cambac causaimanta nini— nirca. Shina nicpimi, jatun mandacca: —Chai huambra pipac churi cacta tapugri— nirca.

1 SAMUEL 17:58

Chaipimi Saulca: —¿Canca pipac churitac cangui?— nishpa tapurca. Shina tapucpi Davidca: —Ñucaca Belén pueblomanta canta servic Isaipac churimi cani— nirca.

1 SAMUEL 26:5

Shina yachashpami Davidca Saúl carpa huasita shayachishpa tiyacuc pambaman rishpa Saultapish, paipac soldadocunata mandactapish, Nerpac churi Abnertapish maipi sueñucucta alli ricurca. Saulca carpa huasicunata shayachishca chaupipimi sueñucurca. Cutin soldadocunaca paipac muyundipimi sueñucurcacuna.