1 SAMUEL 17:51 - Dios Rimashcata Quillcashcami

⁵¹ Chashnami callpashpa chai filisteopac jahuapi shayarishpa, paipacllatac espadata llucchishpa umata pitirca. Filisteocunaca paicunapuramanta jatun sinchi runata huañuchishcata ricushpami callparcacuna.

1 SAMUEL 17:51 ပူးပေါင်းရင်းမြစ်များ

2 SAMUEL 23:21

Paillatacmi egipciopuramanta shuc jatun runatapish huañuchirca. Chai Egipto runaca lanzahuanmi carca. Shina cacpipish, Benaiasca shuc caspihuan llucshishpami lanzata quichushpa, chai lanzallahuantac huañuchirca.

2 SAMUEL 4:7

Is-bosetca pai sueñuna camapi sueñucucpimi, ucuman yaicushpa chugrichishpa huañuchirca. Chashna huañuchishpami, umata pitishpa miticushpa tucui tuta Arabá llactata rircacuna.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

HEBREOS 11:34

Manchana nina japiricuctapish huañuchircami. Espadahuan huañuchinamantapish atircami. Fuerza illac cashpapish fuerzayuc tucushpami, shuctac llacta piña gentecunatapish macanacushpa atirca.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

1 SAMUEL 17:50

Shinami Davidca chai filisteotaca huaracahuan, shuc rumillahuan huañuchirca. Paica shuc espadallatapish maquipica mana charircachu.

1 SAMUEL 21:10

Chai punzhallatacmi Davidca Saulpac ñaupamanta miticushpa Gat pueblota jatun mandac Aquispacman rirca.

1 SAMUEL 21:9

Shina nicpimi, chai curaca: —Ela pambapi can filisteopuramanta Goliathuan macanacushpa atishpa quichushca espadallami shuc pañohuan pillushca efod huashapi tiyacun. Chaita japinata munashpaca japilla. Ashtahuan shuc espadaca mana tiyanchu. Chaillami tiyan— nirca. Shina nicpimi Davidca: —¡Shuctac alli espadaca mana tiyanchu! ¡Chaita apamuilla!— nirca.

1 SAMUEL 31:9

Chashna filisteocuna tarishpami, paipac umata pitishpa, paipac macanacunatapish japishpa huillaccunata tucui llactacunapi, paicunapac dioscunata yuyarina huasicunapi huillachun cacharcacuna.