1 SAMUEL 17:43 - Dios Rimashcata Quillcashcami

⁴³ Chai filisteoca Davidtaca: —Caspicunahuan ñucata macangapac shamuchunca, ¿ñucaca allcuchu cani imatacyari?— nishpami tapurca. Paipac dioscunapac shutipimi Davidtaca maldiciarca.

1 SAMUEL 17:43 ပူးပေါင်းရင်းမြစ်များ

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

2 SAMUEL 16:5

David ña Bahurim llactata ricucpimi, Saulpac aillupuramanta Gerapac churi Simei llucshishpaca jatun mandac Davidtapish, paita serviccunatapish maldiciashpa,

2 SAMUEL 16:9

Chaimantami Sarviapac cari huahua Abisaica jatun mandactaca: —¿Ima nishpatac cai huañushca allcu shinaca, ñuca jatun mandactaca maldicianyari? ¡Ñuca paipac cungata pitigrichun saqui!— nirca.

2 SAMUEL 3:8

Chashna tapucpimi Abnerca yallita piñarishpaca: —¿Ñucaca Judá llactapi causaccunapac allcu uma shinachu cani? Ñucaca cambac taita Saulpac huasi ucupuratapish, paipac ricsishcacunatapish, huauquicunatapish llaquishpami cantaca Davidpac maquipi mana churarcani. ¿Chashna canman allita ruhuashca jahuachu ñucataca cai huarmipac juchamanta juchanchingui?

2 SAMUEL 9:8

Shina nicpimi, Mefi-boset cumurishpaca: —Jatun mandaclla, ñuca huañushca allcu shinamanca, ¿ima nishpatac chashna allicunata ruhuasha ninguiyari?— nirca.

1 REYES 20:10

Shina huillacpimi, Ben-adadca Acabman huillachun cutin cachashpaca: «Cai Samaria puebloca ñuca soldadocuna maqui junda allpata apashpa ringapacpish mana pactangachu. Mana chashna ruhuacpica, ñuca dioscuna yallita llaquichichun» nishpa cacharca.

2 REYES 8:13

Shina nicpi, Hazaelca: —Canta servic yanga allcu shina ñucaca, ¿maitatac chai mancharina llaquicunataca ruhuashayari?— nirca. Shina nicpimi Eliseoca: —Mandac Diosmi can Siria llactata mandagricushcata ricuchishca— nirca.

PROVERBIOS 26:2

Zhutacuna atishpa ric shina, golondrina volac shinami, maldiciashcaca mana yanga shamun.

NÚMEROS 22:6

Cai gentecunaca ñucata yalli sinchicunami. Chaimanta paicunata maldiciangapac shamuiyari. Can maldiciacpica, paicunata atishpa, cai llactamanta llucchishpa cachashapishchari. Chaica, can maldiciacpica, chashnami tucun. Cutin can maijanta bendiciacpica, chashnami tucun. Chaitaca allimi yachani» nirca.

JUECES 9:27

Paicunaca chai pueblopi causaccunahuanmi uvas chagraman rishpa uvasta pallashpa sarushpa capirca. Chai quipaca jatun fiestata ruhuashpami ruhuashcalla dioscunata yuyarina huasiman yaicushpa, ubiashpa, micushpa Abimelectaca imapish tucushca canman nircacuna.

1 SAMUEL 14:12

Chai quipami cuidac filisteocunaca Jonatantapish, escudota apac runatapish caparishpaca: «¡Ñucanchicpacman shamuichic, cancunaman shuc huillanatami charinchic!» nirca. Chashna nicpimi, Jonatanca escudota apac runataca: «Mandac Diosca paicunataca israelcunapac maquipimi churashca. Cunanca jacuchic, canca ñucata cati» nirca.

1 SAMUEL 24:14

Israelcunata jatun mandaclla, ¿pitatac llaquichingapac shamurcangui? ¿Pitatac caticungui? ¿Huañushca allcutachu caticungui? ¿Piquitachu caticungui?

1 SAMUEL 24:15

Mandac Diosllatac cantapish, ñucatapish ricushpa llaquichichun. Paillatac ñuca ima shina cashcatapish ricuchun. Can llaquichisha nishcamantapish paillatac quishpichichun— nirca.