1 SAMUEL 17:32 - Dios Rimashcata Quillcashcami

³² Saulpacman David chayashpaca: —Chai filisteota ricushpaca, pi mana manchanachu canguichic. Chai filisteohuanca canta servic ñucami macanacungapac risha— nirca.

1 SAMUEL 17:32 ပူးပေါင်းရင်းမြစ်များ

SALMOS 3:6

Ñucata piñaccuna ñuca muyundita huaranga huaranga shayaricpipish mana manchanichu.

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

NÚMEROS 13:30

Shina nicpimi, Calebca Moisespac ñaupapi tucui israelcunata upallachishpa: —¡Cunanca, chai llactata quichungapac jacuchic! ¡Ñucanchicmi chai llactapi causaccunata atishpa sinchicuna canchic!— nirca.

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

HEBREOS 12:12

Chaimanta shaicushca rigracunatapish, mucucunatapish cuyuchic shina sinchiyaichic.

JOSUÉ 14:12

Chai punzhapi Mandac Dios nishca shinallatac chai urcucunataca ñucaman cuiyari. Chai punzhacunapica canllatacmi chai llactapi anaquitacuna causashcata, pueblocunapish muyundi pircashca cashcata, jatun pueblocuna cashcatapish uyarcangui. ¡Shina cacpipish, Mandac Dios nishca shina, pai ñucahuan cashcamantaca chai runacunataca chai pueblocunamanta llucchishpa cachashallami!— nirca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 17:31

David tapushcata uyaccunaca Saulmanmi huillangapac rirca. Chaimantami Saulca Davidta cayachun cacharca.