1 SAMUEL 17:2 - Dios Rimashcata Quillcashcami

² Shinallatac Saulpish, israelcunata tandachishpami Ela pambapi carpa huasicunata shayachishpa tiyarirca. Chaipimi filisteocunahuan macanacungapac allichirirca.

1 SAMUEL 17:2 ပူးပေါင်းရင်းမြစ်များ

1 SAMUEL 17:19

Chai shina cacpica, Saulpish, Davidpac huauquicunapish, tucui israelcunapish Ela pugru pambapimi filisteocunahuan macanacucurca.

1 SAMUEL 17:3

Filisteocunaca shuc lado lomapimi carca. Cutin israelcunaca caishuc lado lomapimi carca. Chai lomacuna chaupipica shuc pugru pambami tiyarca.

1 SAMUEL 21:10

Chai punzhallatacmi Davidca Saulpac ñaupamanta miticushpa Gat pueblota jatun mandac Aquispacman rirca.

1 SAMUEL 21:9

Shina nicpimi, chai curaca: —Ela pambapi can filisteopuramanta Goliathuan macanacushpa atishpa quichushca espadallami shuc pañohuan pillushca efod huashapi tiyacun. Chaita japinata munashpaca japilla. Ashtahuan shuc espadaca mana tiyanchu. Chaillami tiyan— nirca. Shina nicpimi Davidca: —¡Shuctac alli espadaca mana tiyanchu! ¡Chaita apamuilla!— nirca.