1 SAMUEL 16:21 - Dios Rimashcata Quillcashcami

²¹ Saulpacman David chayashpaca paita servicmi tucurca. Saulca Davidta mai cuyashpami paipac escudota apachun churarca.

1 SAMUEL 16:21 ပူးပေါင်းရင်းမြစ်များ

GÉNESIS 41:46

José Egipto llactata jatun mandac Faraonta servinata callarishpaca, quimsa chunga huatatami charirca. Mandac Faraonpac ñaupamanta José rishpaca, tucui Egipto allpacunatami ricushpa purirca.

1 REYES 10:8

Cambac runacunaca yallita alli nishcacunami. Cambac sumac yachaita cambac ñaupapi punzhanta uyac canta servic cai runacunaca yallita cushicushpami purincuna.

SALMOS 118:9

Jatun mandaccunapi shunguta churanapac randica, Mandac Diospi shunguta churashpa causanami ashtahuan alli.

SALMOS 146:3

Mandaccunapipish, huañuclla runapipish ama shunguta churaichicchu. Paicunaca mana quishpichi pudinchu.

SALMOS 62:9

Alli yuyaricpica, yangalla runapish, alli nishca runapish yangallami. Paicunata balanzapi pezacpica huaira shinallami.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

DEUTERONOMIO 1:38

Canta ayudashpa puric Nunpac churi Josuemi chai llactamanca yaicunga. Paimi japina cashca llactataca israelcunaman cunga. Chaimanta pai richun alli yuyaita cungui.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

JUECES 9:54

Chaimantami Abimelecca paipac escudota apac soldadota utca cayashpaca: «Ñucataca: “Shuc huarmillami huañuchirca” ama nichuncuna, cambac espadata llucchi ñucata huañuchi» nirca. Shina nicpimi, escudota apac soldado huashaman pasacta espadata saticpi paica huañurca.

1 SAMUEL 16:22

Saúl Isaipacman cachashpaca: «Davidtaca ñucahuan causachun saqui. Paica ñuca ñaupapica allimi ricurishca» nichunmi cacharca.

1 SAMUEL 17:15

Ashtahuanpish Davidca Saulpacman rishpapish paipac taitapac ovejacunata michingapacmi Belenman rin cutin puric carca.

1 SAMUEL 17:55

Chai filisteohuan macanacungapac David ricta Saúl ricushpami paipac soldadocunata mandac Abnertaca: —¿Chai huambraca pipac churitac?— nishpa tapurca. Shina tapucpimi Abnerca:

1 SAMUEL 19:7

Chai quipami Jonatanca Davidta cayashpa ima parlanacushcata tucui huillarca. Paimi Davidtaca Saulpacman pushamucpi, Davidca utcaman shinallatac Saulta servingapac saquirirca.