1 SAMUEL 16:19 - Dios Rimashcata Quillcashcami

¹⁹ Shina nicpimi, Saulca huillaccunata Isaipacman cachashpaca: «Ovejacunata michic cambac churi Davidta cachai» nichun cacharca.

1 SAMUEL 16:19 ပူးပေါင်းရင်းမြစ်များ

1 REYES 19:19

Chai urcumanta rishpami, Eliasca Safatpac churi Eliseo chunga ishcai yuntacunahuan yapucucman chayarca. Shuc yuntapica paillatacmi tucuipac huashata caticurca. Eliasca Eliseopac ñaupata rishpami, pai jahualla churarishcata Eliseopac jahuapi shitarca.

SALMOS 113:8

Chashna llucchishpaca mandaccunahuan, pai acllashcacunata pushaccunahuanmi tiyachin.

AMÓS 1:1

Judá llactata jatun mandac Uzías mandacucpi, Israel llactataca Joaspac churi Jeroboam mandacucpi, allpa chucchungapac ishcai huata tiyacpiracmi Mandac Diosca israelcuna ima tucunata Tecoamanta ovejacunata michic Amosman huillachirca.

1 SAMUEL 16:11

Chai quipami Samuelca Isaitaca: —¿Cambac churicunaca caicunallachu?— nishpa tapurca. Shina tapucpi Isaica: —Shuc quipa churi tiyanmi. Paica ovejacunata michicmi— nirca. Shina nicpimi, Samuelca Isaitaca: —Paita pushamuchun cachai. Pai caiman chayamungacaman mana micungapac tiyarishunchu— nirca.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 16:20

Shina nicpi, Isaica shuc burropi tandata apachishpa, cara puñu vinota shinallatac huahua chivota apashpa paipac churi Davidtaca Saulpacman cacharca.

1 SAMUEL 17:15

Ashtahuanpish Davidca Saulpacman rishpapish paipac taitapac ovejacunata michingapacmi Belenman rin cutin puric carca.