1 SAMUEL 16:14 - Dios Rimashcata Quillcashcami

¹⁴ Mandac Diospac Espirituca Saulmanta anchurircami. Mandac Dios cachashca mana alli espiritumi Saultaca llaquichicurca.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

Shina ruhuashpapish, llaquicushallami. Saulta llaquichishca shinaca mana saquishachu. Saultaca cambac ñaupallapitacmi chingachircani.

1 REYES 22:19

Chai quipami Micaiasca: —Mandac Dios ima nishcata uyai. “Ñucaca Mandac Diostaca pai tiyarinapi tiyacuctami ricurcani. Paipac ladopica jahua pacha angelcunami paipac alli ladomanpish, lluqui ladomanpish shayacurca.

1 REYES 22:22

Shina nicpi, chai espirituca: ‘Ñuca rishpaca, paipac tucui huillaccunapimi llullashpa huillana yuyaita churasha’ nirca. Shina nicpimi, Mandac Diosca: Canca umanguimi, can nishca shinata ruhuangapac rilla” nirca.

SALMOS 51:11

Cambac ñaupamantaca amatac anchuchichu. Cambaclla Espiritutapish ñucamanta ama quichuichu.

OSEAS 9:12

Huahuacuna huiñacpipish, paicunapuramanta anchuchishami. Paicuna ñucamanta anchurishpaca, ¡imachari tucunga!

JUECES 16:20

Chaimantami Dalilaca: «¡Sansón, filisteocunaca canta japigricunca!» nishpa caparirca. Sansón riccharishpaca: «Cutinllatac atishami» yuyashpa jatarirca. Ashtahuanpish paica Mandac Dios paimanta anchurishcataca mana yacharcachu.

JUECES 16:29

Shina mañashpaca chai jatun huasita charicuc ishcai pilarcunapi, alli maquihuanca shuc lado pilarpi lluqui maquihuanca caishuc lado pilarpi taunallishpami,

JUECES 9:23

Chai quipaca Mandac Diosca Siquem pueblopi causaccunahuan, Abimelec-huan piñanacuipi churachunmi, millai espirituta cacharca.

1 SAMUEL 11:6

Shina nishcata Saúl uyacpimi, Diospac Espirituca Saulpacman shamurca. Shina shamucpimi, paica nina japiric shina yallita piñarirca.

1 SAMUEL 16:15

Shina cacpimi, Saulta serviccunaca: —Riqui, Dios cachashca mana alli espiritumi cantaca llaquichicun.

1 SAMUEL 16:16

Ñucanchicta mandaclla, cambac ñaupapi cac canta serviccunata arpapi tocanata yachacta mashcachun cachai. Dios cachashca mana alli espíritu cambacman shamucpi, pai tuparicpica, canca alli tucunguimi— nirca.

1 SAMUEL 16:23

Mandac Dios cachashca mana alli espíritu Saulta japicpica, Davidmi arpapi tocac carca. Shina tocacpica, Saulca cushillami tucuc carca. Chaimantami Saulta llaquichic mana alli espirituca anchuric carca.

1 SAMUEL 18:10

Cayandi punzhaca Mandac Dios cachashca shuc millai espíritu japicpimi, Saulca pai mandana ucupi musparishpa rimariricurca. Davidca ñaupa punzhacuna shinallatacmi maquihuan arpapi tocacurca. Cutin Saulca lanzatami maquipi charicurca.

1 SAMUEL 18:12

Mandac Dios paimanta anchurishpa Davidhuan cacta yachashpami Saulca mancharca.

1 SAMUEL 28:15

Chaipimi Samuelca Saultaca: —¿Imapactac ñucata huichai cayashpa piñachingui?— nirca. Shina nicpimi Saulca: —Filisteocunami ñucata piñashpa macanacungapac shamushca. Diospish ñucamantaca anchurishcami. Chaimantami ñucaca yalli llaquiricuni. Ñuca tapushcataca Diosca muscuipipish, pai ima nishcata huillaccunamanpish imata mana huillanchu. Chaimantami ñuca ima ruhuanata huillachun cantaca cayarcani— nirca.