1 SAMUEL 16:11 - Dios Rimashcata Quillcashcami

¹¹ Chai quipami Samuelca Isaitaca: —¿Cambac churicunaca caicunallachu?— nishpa tapurca. Shina tapucpi Isaica: —Shuc quipa churi tiyanmi. Paica ovejacunata michicmi— nirca. Shina nicpimi, Samuelca Isaitaca: —Paita pushamuchun cachai. Pai caiman chayamungacaman mana micungapac tiyarishunchu— nirca.

1 SAMUEL 16:11 ပူးပေါင်းရင်းမြစ်များ

2 SAMUEL 13:3

Amnonca Davidpac huauqui Simeapac churi Jonadabhuanmi apanacuccuna carca. Jonadabca yuyaisapami carca.

2 SAMUEL 7:8

Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

1 CRÓNICAS 17:7

Chaimanta ñucata servic Davidtaca: “Ñucami cantaca ovejacunata michishpa puricucpi, ñuca acllashca israelcunata mandac cachun acllarcani.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

1 SAMUEL 16:10

Shinami Isaica paipac canchis churicunata Samuelpac ñaupaman cayarca. Ashtahuanpish Samuelca Isaitaca: —Mandac Diosca paicunatapish mana acllashcachu— nirca.

1 SAMUEL 17:28

Chashna parlanacucta uyashpami paipac punta huauqui Eliabca Davidhuan yallita piñarishpaca: —¿Imapactac caiman shamurcangui? ¿Shitashca pambapica, ashalla ovejacunataca pimantac saquimurcangui? Can cari tucushca cashcata, millai shungu cashcatapish yachanimi. Canca cai macanacuita ricungapacllami shamushcangui— nirca.