1 SAMUEL 15:9 - Dios Rimashcata Quillcashcami

⁹ Saulpish, paipac soldadocunapish Agagtaca mana huañuchircachu. Shinallatac alli ovejacunatapish, huagracunatapish, tucui huira animalcunatapish, cari ovejacunatapish, tucui allicunataca mana tucuchishpami imapish mana valic yangacunallata tucui tucuchirca.

1 SAMUEL 15:9 ပူးပေါင်းရင်းမြစ်များ

2 SAMUEL 6:13

Davidca Diospac Arcata huanduccuna sucta saruita ricpimi shuc huagrata, huira ovejata huañuchirca.

1 REYES 20:34

Chaipimi Ben-adadca: —Ñuca taita, cambac taitamanta quichushca pueblocunataca canmanmi cutichigrini. Samaria pueblopi ñuca taita catuna plazacunata churashca shinallatac, canpish Damasco pueblopi catunacunata churailla— nirca. Shina nicpimi Acabca: —Chaita ruhuasha nishcamantami ñucapish cantaca richun saquigrini— nirca. Chaita pactachingapac paihuan ari nishcamantaca richun saquircallami.

SAN MATEO 26:9

Chaita achca cullquipi catushpa huacchacunaman cunachari, alli canman carca— ninacurca.

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.

JOSUÉ 7:21

Tucui japishcapurapimi Babilonia llactamanta randishca jahualla sumac ishcai patsac kilo pezac cullquita, pichca chunga siclos pezac curi barrata munashpa pacalla japircani. Chaicunaca ñuca carpa huasi ucu chaupi allpapimi pambashca. Cullquipish, chai ucullapitacmi can— nirca.

1 SAMUEL 15:10

Chai quipami Mandac Diosca Samueltaca:

1 SAMUEL 15:15

Shina tapucpi Saulca: —Amalecitacunapac ashtahuan alli ovejacunata, vacacunatami soldadocunaca mana huañuchishpa, canta Mandac Diosman cushpa huañuchingapac apamushca. Ashtahuanpish shuccunataca tucuimi tucuchircacuna— nirca.

1 SAMUEL 15:19

¿Ima nishpatac Mandac Dios mandashcata mana cazushpa, chai piñaccunapac ima tiyashcacunata apamushpa, Mandac Diospac ñaupapica mana allita ruhuarcangui?— nirca.

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.

1 SAMUEL 28:18

Canca Mandac Dios rimashcatapish mana cazurcanguichu. Shinallatac amalecitacunahuan Dios nina japiric shina piñarishpa, paicunata tucuchichun nicpipish mana pactachircanguichu. Chaimantami Mandac Diosca cunanca chashna ruhuashca.