1 SAMUEL 15:28 - Dios Rimashcata Quillcashcami

²⁸ Shina lliquiricpimi Samuelca: —Mandac Diosca can chashna lliquishca shinami Israel llactata can mandanata quichushpa cambac ricsishca canta yalli ashtahuan alli runaman curca.

1 SAMUEL 15:28 ပူးပေါင်းရင်းမြစ်များ

2 SAMUEL 3:10

Israel llactatapish, Judá llactatapish mandanata Saulpac huasi ucupuramanta quichushpa, Dan llactamanta callarishpa Beerseba llactacaman David mandachun— nirca.

2 SAMUEL 3:18

Cunanca, mandac cachun churailla. Chaica Mandac Diosllatacmi Davidtaca: “Ñucata servic Davidpac maquihuanmi ñuca acllashca israelcunataca filisteocunapac maquimanta, shuctac piñaccunapac maquimantapish quishpichisha” nircami— nirca.

2 SAMUEL 3:9

Mandac Dios Davidman cushami nishca pactachun Davidta mana ayudacpica, ñucata ashtahuan llaquichichun.

2 SAMUEL 6:21

Shina nicpimi Davidca: —Mandac Diospac ñaupapimi danzarcani. Chaica Mandac Diosmi cambac taitapac randi, paipac familiapac randi Mandac Dios acllashca israelcunata mandachun ñucata acllarca. Chaimantami Mandac Diospac ñaupapi danzashpa catisha— nirca.

1 REYES 11:11

Chaimantami Mandac Dios Salomontaca: «Canca cashna ruhuashpami, ñucahuan ari nishcatapish, pactachichun cushca shimicunatapish mana cazurcangui. Chaimantami can mandacushcata quichushpa, canta servicman cusha.

1 CRÓNICAS 10:14

Saulca Mandac Diosman tapunapac randica chashnami ruhuarca. Chaimantami paipac causaita quichushpa, paipac mandana llactataca Isaipac churi Davidman curca.

JOB 34:24

Sinchi tucushcacunatapish mana llaquishpami llaquichinga. Paicunapac randica shuccunatami churanga.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

SAN JUAN 19:11

Shina nicpimi Jesusca: —Dios mana canman cushca cacpica, ñucataca imata mana ruhuai pudinguimanchu. Shina cacpipish ñucata japichicmi canta atishpa yalli juchayucca— nirca.

HECHOS 13:22

Saulta llucchishpaca, Davidtami jatun mandac cachun churarca. Diosca Davidmanta rimashpaca: “Isaipac churi Davidllami ñuca ima nishcata ruhuashpa, ñuca munashca shina mandanga” nirca.

ROMANOS 13:1

Tucui mandaccunaca Dios churashcami. Chaimanta tucui mashna paicunataca cazuichic.

1 SAMUEL 13:14

Ashtahuanpish cunanca mana unaitachu mandangui. Canta Mandac Dios mandashcata mana cazushcamantaca pai munashca shina causac runatami pai acllashcacunata mandachunca churanga— nirca.

1 SAMUEL 16:12

Shina nicpimi, cayachun cachashca ña chayamucpica, ucuman yaicuchirca. Chai churica puca accha alaja ñahui sumac huambrami carca. Pai chayamucpimi, Mandac Diosca Samueltaca: —¡Paimi jatun mandac tucugrin. Jatarishpa paipac umata aceitehuan cahui!— nirca.

1 SAMUEL 18:8

Chashna nishpa cantashcaca Saulmanca mana allichu carca. Chaimantami yallita piñarishpa: «Davidca chunga huaranga runatami huañuchirca, Saulca shuc huaranga runatami huañuchirca nincunami. ¡Ashtahuanpish Davidca jatun mandacmi ninallami faltan!» nishpa yuyarca.

1 SAMUEL 25:30

Mandac Dios ñuca mandacman pactachishami nishcata pactachishpa, israelcunata mandachun churashpaca,