1 SAMUEL 15:24 - Dios Rimashcata Quillcashcami

²⁴ Shina nicpimi, Saulca Samueltaca: —Shinashpaca juchatami ruhuashcani. Mandac Dios mandashcatapish, can ima nishcatapish mana cazushcanichu. Gentecunata manchashpami paicuna ima mañashcata ruhuachun saquircani. Shina cacpipish, ñuca juchata perdonai.

1 SAMUEL 15:24 ပူးပေါင်းရင်းမြစ်များ

GÉNESIS 3:12

Shina nicpimi Adanca: —Can ñucata compañachun cushca huarmillatac chai yuramanta caracpimi micurcani— nirca.

GÉNESIS 3:17

Cutin Adantaca: —Ñuca: “Cai yuramanta ama micunguichu” nishca jahua, cambac huarmi nishcata uyashpa, micushcamantami cai allpaca mana alli nishca canga. Tucui causaipimi llaquita trabajashpa, granota pucuchishpa causangui.

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

JOB 31:34

Mana achca gentecunata manchashcamantachu, mana ñuca familiacuna piñanata manchashcamantachu, ñuca huasi ucupi upalla saquirishcani.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

ÉXODO 10:16

Chaimantami Faraonca utca Moisestapish, Aarontapish cayachishpaca: —Ñucaca cancunata Mandac Dios-huanpish, cancunahuanpish juchallishcani.

ÉXODO 23:2

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

ÉXODO 9:27

Chaimantami Faraonca Moisestapish, Aarontapish cayachishpaca: —Cunanca, juchallishcanimi, ñucapish, ñucapac gentecunapish mana allitachu ruhuashcanchic. Mandac Diosca cashcata ruhuacmi.

PROVERBIOS 29:25

Manchashpa causac runaca tucllapimi urmanga. Ashtahuanpish Mandac Diospi shunguta churacca quishpiringami.

JEREMÍAS 38:5

Shina nicpimi, jatun mandac Sedequiasca: —Jatun mandac cashpapish, mana jarcai pudinichu. Cancuna munashcata ruhuaichiclla— nirca.

NÚMEROS 22:34

Chaimantami Balaamca Mandac Diospac angeltaca: —Can ñanpi ñucata jarcacushcata mana yachashpami juchallishcani. Ñuca rina mana alli cacpica, cutishpa rishalla— nirca.

SAN MATEO 27:4

Paica: —Mana faltayuc runata japichishpaca, juchallishcanimi— nirca. Chashna nicpimi paicunaca: —Ñucanchicmanca, ¿imatac curinyari? Chaitaca canchari ricungui— nirca.

GÁLATAS 1:10

Chashna nishpaca gentecunalla alli nichunca mana munanichu, ashtahuanpish Dios alli nishca canatami munani. Gentecunalla ñucata alli nichun nishpaca, ña mana Cristopacta ruhuacchu caiman.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

1 SAMUEL 15:15

Shina tapucpi Saulca: —Amalecitacunapac ashtahuan alli ovejacunata, vacacunatami soldadocunaca mana huañuchishpa, canta Mandac Diosman cushpa huañuchingapac apamushca. Ashtahuanpish shuccunataca tucuimi tucuchircacuna— nirca.

1 SAMUEL 15:30

Shina nicpimi Saulca: —Ñucaca juchatami ruhuashcani. Shina cacpipish, israelcunata pushac yuyaccunapac ñaupapish, israelcunapac ñaupapipish jatun mandac cashca shinallatac ñucata alli ningui. Canta Mandac Diosta alli nishpa mañangapac ñucahuan cutishun— nirca.

1 SAMUEL 15:9

Saulpish, paipac soldadocunapish Agagtaca mana huañuchircachu. Shinallatac alli ovejacunatapish, huagracunatapish, tucui huira animalcunatapish, cari ovejacunatapish, tucui allicunataca mana tucuchishpami imapish mana valic yangacunallata tucui tucuchirca.

1 SAMUEL 2:29

¿Ima nishpatac ñucaman animalta cushpa huañuchishcatapish, shuctac ofrendacunatapish yangapi churanguichic? Chaicunataca ñucahuan tupana huasipi rupachichunmi mandarcani. Cambac churicunatami ñucata yalli alli nishpa, ñuca acllashca israelcuna cushcacunamantaca ashtahuan allita carashpa huirayachishcangui” ninmi.

1 SAMUEL 26:21

Shina nicpimi Saulca: —Ñuca huahua Davidlla, ñucaca juchatami ruhuashcani. Cunanca cutilla, ashtahuanca mana llaquichishachu. Canca ñuca causaita yalli cuyashpami, cunanca mana huañuchishcagui. Riqui, ñucaca yuyai illac runa shinami, mana allita ruhuashpa pandarishcani— nirca.