1 SAMUEL 15:17 - Dios Rimashcata Quillcashcami

¹⁷ Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.

1 SAMUEL 15:17 ပူးပေါင်းရင်းမြစ်များ

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

SAN MATEO 18:4

Maijanpish cai huahuacuna shina humildemi jahua pacha Dios mandacucpica tucuimanta yalli alli nishcaca canga.

JUECES 6:15

Shina nicpimi Gedeonca: —Ñuca amitolla, ¿ñucaca ima shinatac israelcunataca quishpichishayari? Ñucaca Manasespac aillupurapica ashalla familiami cani. Chaipac jahuapica ñuca huasi ucupuramantaca ñucami tucuimanta yalli uchilla shina cani— nirca.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 10:22

Chaimantami Saúl chayamushcata yachangapac Mandac Diostaca: —¿Chai runaca ñachu caiman shamurca?— nishpa tapurca. Shina nicpimi, Mandac Diosca: —Riquichic, paica macanacungapac tucui apamushca chaupipimi miticushca can— nirca.

1 SAMUEL 15:16

Shina nicpimi, Samuelca Saultaca: —¡Ña chailla! Cunan tuta Mandac Dios ima nishcatami canman huillagrini— nirca. Shina nicpimi Saulca: —Huillailla— nirca.

1 SAMUEL 9:21

Shina nicpimi Saulca: —¿Ñucaca manachu tucui Israel aillupuramanta yalli ashalla cac Benjaminpac aillupura cani? ¿Manachu ñuca huasi ucu familiaca tucui Benjamín aillupuramanta ashtahuan uchilla? ¿Ima nishpatac caitaca ninguiyari?— nirca.