1 SAMUEL 15:16 - Dios Rimashcata Quillcashcami

¹⁶ Shina nicpimi, Samuelca Saultaca: —¡Ña chailla! Cunan tuta Mandac Dios ima nishcatami canman huillagrini— nirca. Shina nicpimi Saulca: —Huillailla— nirca.

1 SAMUEL 15:16 ပူးပေါင်းရင်းမြစ်များ

1 REYES 14:6

Ahiasca paipac huasi punguta chai huarmi tulun tulun shamucta uyashpaca: «Jeroboampac huarmi, yaicumuilla. ¿Ima nishpatac shuctac huarmi tucushpa shamunguiyari? Ñucaca mana alli huillaita huillachun cachashcami shamuni.

1 REYES 22:16

Shina nicpimi, jatun mandacca: —¿Mashna cutin mana llullashpa chashna canatatac Mandac Diospac shutipi huillai nicushayari?— nirca.

ISAÍAS 39:5

Shina nicpimi, Isaiasca Ezequiastaca: —Tucuita Mandac Dios rimashcata uyai. Paica:

JEREMÍAS 34:6

Dios ima nishcata huillac Jeremiasca Jerusalenpimi Judá llactata jatun mandac Sedequiasmanca tucui caicunata huillarca.

1 SAMUEL 12:7

Cunanca cancunamanpish, cancunapac ñaupa taitacunamanpish Mandac Dios allita ruhuashcatami Mandac Diospac ñaupapi sinchita rimagrini. Cunanca alli uyaichic.

1 SAMUEL 15:15

Shina tapucpi Saulca: —Amalecitacunapac ashtahuan alli ovejacunata, vacacunatami soldadocunaca mana huañuchishpa, canta Mandac Diosman cushpa huañuchingapac apamushca. Ashtahuanpish shuccunataca tucuimi tucuchircacuna— nirca.

1 SAMUEL 15:17

Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.

1 SAMUEL 9:27

Chai pueblomanta ña llucshicushpami Samuelca Saultaca: —Canta servictaca ñaupachishpa cachai. Ashtahuanpish canman Dios ima nishcatami huillagrini— nirca. Chai servic runaca ñaupashpa rircallami.