1 SAMUEL 15:14 - Dios Rimashcata Quillcashcami

¹⁴ Shina nicpimi Samuelca: —Shinashpaca ¿Ima nishpatac ovejacuna, vacacuna huacashca ñuca ringripica uyaricunyari?— nishpa tapurca.

1 SAMUEL 15:14 ပူးပေါင်းရင်းမြစ်များ

SALMOS 36:2

Chaimantami pai chashna mana allita ruhuashpaca alli cashcata yuyan. Paipac juchataca mana millanayachinchu.

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

SAN LUCAS 19:22

Chashna nicpimi chai mandacca: “Mana allita ruhuac servicmi cangui. Chashna nishpaca, canllatacmi llaquita apangui. Ñuca cashcatapish, manapish cushpa chasquiclla cashcatapish, manapish tarpushcata cosechaclla cashcatapish yacharcanguimi.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

1 SAMUEL 15:15

Shina tapucpi Saulca: —Amalecitacunapac ashtahuan alli ovejacunata, vacacunatami soldadocunaca mana huañuchishpa, canta Mandac Diosman cushpa huañuchingapac apamushca. Ashtahuanpish shuccunataca tucuimi tucuchircacuna— nirca.