1 SAMUEL 14:48 - Dios Rimashcata Quillcashcami

⁴⁸ Shinallatac achca soldadocunata tandachishpami amalecitacunahuan macanacushpa atirca. Chashnami israelcunataca paicunapac ima charishcata quichuccunapac maquimanta quishpichirca.

1 SAMUEL 14:48 ပူးပေါင်းရင်းမြစ်များ

2 SAMUEL 1:22

Jonatanpac arcoca yahuarpi mana chapurishcaca jaicapi mana shamucchu carca. Saulpac espadapish, paita piñaccunapac yahuarpi mana chapurishcaca jaicapi mana shamucchu carca.

ÉXODO 17:14

Chaimantami Mandac Diosca Moisestaca: —Caipi ima tucushcata yuyaringapac shuc libropi quillcai. Shinallatac Josuemanca: “Amalecitacunataca tucuimi cai pachapica tucuchigrini” nishpa allita huillangui— nirca.

ÉXODO 17:8

Refidim pambapimi amalecitacunaca israelcunahuan macanacungapac shamurca.

DEUTERONOMIO 25:19

Chaimantami Mandac Dios cancunaman cushca llactapi causacucpica, cancunata piñac tucui muyundi llactacuna llaquichinamanta cuidanga. Chashna cacpimi, samaringuichic. Mandac Dios cushca llactapi causacushpaca, Amalecpac shutitaca tucui cai pachamanta chingachinguichic. Amatac chashna ruhuanataca cungaringuichicchu.

JUECES 2:16

Shina cashpapish Mandac Diosca imatapish shuhuashpa puriccunapac maquimanta quishpichichunmi juezcunata churarca.