1 SAMUEL 14:41 - Dios Rimashcata Quillcashcami

⁴¹ Shina nicpimi, Saulca israelcunata Mandac Diostaca: —Suerteta ruhuacpica, chashnatac cashcata ricuchinguiyari— nirca. Suerteta ruhuacpica Jonatanpi, Saulpimi urmarca. Gentecunaca mana llaquichishcachu saquirirca.

1 SAMUEL 14:41 ပူးပေါင်းရင်းမြစ်များ

PROVERBIOS 16:33

Mizapimi suertetaca ruhuancuna. Shina cacpipish Mandac Diosmi imata ruhuanataca ricuchin.

PROVERBIOS 18:18

Suerteta ruhuacpimi, piñanacuica tucurin. Shinallatac poderta chariccunapurami imata ruhuanataca yuyarincuna.

JONÁS 1:7

Chaimanca paicunapura caishuc chaishuc tapunacushpaca: «¡Pimantac cai llaquicuna shamushcata yachangapac, suerteta ruhuashunchic!» ninacurca. Chashna suerteta ruhuacpica, Jonasmanmi urmarca.

HECHOS 1:24

Chaimanta Diosta mañashpaca: «Mandac Dioslla, canmi tucuipac shunguta ricsingui. Cunanca, cai ishcai runacunamanta, maijan can acllashcata ricuchiyari.

HECHOS 1:26

Chashna mañashpami suerteta ruhuacpica, Matiasman urmarca. Chaimantami Matiasca chunga shuc apostolcunahuan tandanacurca.

1 SAMUEL 14:40

Chaimantami Saulca israelcunataca: —Cancunaca shuc ladoman shayarichic. Ñucaca ñuca churi Jonatanhuan caishuc ladoman shayarishun— nirca. Shina nicpimi, gentecunaca Saultaca: —Canman ima alli cana cacpica chaita ruhuailla— nirca.

1 SAMUEL 14:42

Chai quipami Saulca: —Ñucahuan, ñuca churi Jonatanhuan suerteta ruhuaichi— nirca. Shina ruhuacpica Jonatanmanmi urmarca.