1 SAMUEL 14:36 - Dios Rimashcata Quillcashcami

³⁶ Chai quipami Saulca: —Cunan tutallatac filisteocunahuan macanacungapac urai rishpa achicyangacaman paicunata huañuchishpa, paicunapac charishcata quichumushun— nirca. Shina nicpimi gentecunaca: —Imapish canman alli ricurina cacpica, chaita ruhuailla— nircacuna. Chashna nicpimi, shuc curaca: —Manarac macanacuiman rishpa Mandac Diosman cuchuyashunchic— nirca.

1 SAMUEL 14:36 ပူးပေါင်းရင်းမြစ်များ

SALMOS 73:28

Ñucamanca Diospac cuchupi canami tucuimanta yalli alli. Can tucui ruhuashcacunata huillangapacmi can jatun Mandac Diosta shuyashpa causani.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

JEREMÍAS 6:5

¡Jatarishunchic! ¡Tuta rishpa, mandana huasicunata tucuchishunchic!» ninguichicmi.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

NÚMEROS 27:21

Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

JOSUÉ 10:19

Cancunata piñaccunata catinataca mana saquinachu canguichic. Chaipac randica paicunata cuidaccunata macashpa chugrichishpa huañuchinami canguichic. Paicunapac pueblocunamanca mana yaicuchun saquinachu canguichic. Chai pueblocunataca cancunata Mandac Diosca cancunapac maquipimi churarca» nirca.

JOSUÉ 11:14

Israelcunaca chai pueblocunapi tucui ima tiyashcacunatapish, animalcunatapishmi japirca. Ashtahuanpish chaipi causac gentecunataca shucllatapish, mana saquishpami espadahuan tucui huañuchirca.

1 SAMUEL 1:23

Shina nicpi, paipac cusa Elcanaca: —Canman ashtahuan alli canata ruhuailla. Shinashpaca cai huahuata chuchumanta raquingacaman saquirilla. ¡Mandac Dios pai ruhuasha nishcataca pactachishpami alli canman!— nirca. Shina nicpimi, Anaca huasipi saquirishpa paipac cari huahuataca chuchumanta raquiringacaman huiñachirca.

1 SAMUEL 11:11

Ña cayandi punzha manarac alli achicyacpimi Saulca paipac soldadocunata quimsapi chicanyachishpa amonitacunapac carpa huasi chaupiman yaicurca. Chashna yaicushpaca intihuan punzha cunurina horascamanmi macashpa chugrichishpa huañuchirca. Chaimantami mana huañuccunaca caita chaita callparcacuna, pipish ishcaipuraca mana saquirircachu.

1 SAMUEL 14:3

Ahitob runapac churi Ahiasmi efod nishcacunata apac carca. Ahitobca Fineespac churimi carca. Shinallatac Icabodpac huauquimi carca. Fineesca Elí curapac churimi carca. Elica Silo pueblopimi Mandac Diosta servic cura carca. Israelcunaca Jonatán rictaca mana yacharcacunachu.