1 SAMUEL 14:19 - Dios Rimashcata Quillcashcami

¹⁹ Saúl Ahías curahuan parlacucllapitacmi filisteocunapac carpa huasicunapica ashtahuan caparinacui uyarirca. Chaimantami Saulca chai curataca: —¡Ña ama apamuichu!— nirca.

1 SAMUEL 14:19 ပူးပေါင်းရင်းမြစ်များ

SALMOS 106:13

Ashtahuanpish Dios ruhuashcacunata utca cungarishpami can yuyaita cuchunca mana shuyarcacuna.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

NÚMEROS 27:21

Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

JOSUÉ 9:14

Israelcunaca chai runacuna apamushca micunata chasquircami. Ashtahuanpish Mandac Diosmanca mana tapurcachu.

1 SAMUEL 13:11

Chaipimi Samuelca: —¿Imatatac ruhuarcangui?— nishpa tapurca. Shina tapucpi Saulca: —Tucui gentecunami ñucata saquishpa ri callarirca. Canpish shamushami nishca punzhaca mana chayamurcanguica. Filisteocunapish Micmas pueblopimi tandanacushca carca.

1 SAMUEL 14:20

Saulca paipac tucui soldadocunata tandachishpami, macanacungapac rirca. Filisteocunaca yuyai illac tucushpami, paicunapura espadahuan huañunacurca.

1 SAMUEL 14:24

Shina macanacuita mishashca cacpipish Saulca: «Ñucaca, ñucata piñaccunata paicuna llaquichishca shina, manarac tutayacpi llaquichingacaman mana micushachu. Maijanpish micuctaca mana alli nishcami canga» nishpami ari nichishca carca. Chaimantami tucui gentecuna imatapish mana micushpa yalli yarcaihuan huañunalla carca.

1 SAMUEL 30:7

Chaipimi Davidca Ahimelecpac churi Abiatar curataca: —Efodta ñucaman apamushpa cui— nirca. Shina nicpimi, Abiatarca Davidman efodta apamurca.