1 SAMUEL 14:16 - Dios Rimashcata Quillcashcami

¹⁶ Saulpac chapac soldadocunaca Benjamín llactapi cac Gabaa pueblomantami filisteocuna caita chaita callpacucta ricurca.

1 SAMUEL 14:16 ပူးပေါင်းရင်းမြစ်များ

SALMOS 58:7

Tallishca yacu shina chingarichun. Paicunapac flechacunata shitacpipish, caspi puntallapitac ñuturichun.

SALMOS 68:2

Paicunataca cushnita chingachic shina chingachichun. Diosta mana manchaccunaca huira ninapi nuyuc shinami chingaringacuna.

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

JUECES 7:22

Chai quimsa patsac israelcuna cornetapi tocacucpica, Mandac Diosca madianitapurallatatacmi carpa huasicunapi macanacuchirca. Chaimantami madianita soldadocunaca Zerera puebloman rina ñanta rishpa Bet-sita pueblocaman, Tabat pueblohuan Abel-mehola pueblohuan tupanacuicaman miticushpa rircacuna.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.

1 SAMUEL 14:17

Chaimantami Saulca paihuan cac soldadocunataca: «Ñucanchicpuramantaca maijan illacta alli ricuichic» nirca. Shina nicpi, tucuita alli ricucpica, Jonatanpish, paipac escudota apac runami illashca carca.

1 SAMUEL 14:20

Saulca paipac tucui soldadocunata tandachishpami, macanacungapac rirca. Filisteocunaca yuyai illac tucushpami, paicunapura espadahuan huañunacurca.