1 SAMUEL 14:10 - Dios Rimashcata Quillcashcami

¹⁰ Ashtahuanpish paicuna: “Ñucanchicpacman huichai shamuichic” nicpica, paicunapacman huichai rishunmi. Paicuna huichai shamuichic nishpaca paicunata Mandac Dios ñucanchic maquipi churashcatami ricuchin— nirca.

1 SAMUEL 14:10 ပူးပေါင်းရင်းမြစ်များ

GÉNESIS 24:14

Ñuca maijan solterata: “Ñucaman yacuta ubiachingapac puñuta uricuchi” nicpi: “ubiailla, shinallatac cambac camellocunamanpish ubiachishami” nic soltera canta servic Isaacpac huarmi cachun. Chaita ricushpami, can ñuca amo mañashcata llaquishpa cuc cashcata yachac chayasha» nirca.

2 REYES 20:9

Shina nicpimi Isaiasca: —Mandac Dios pai nishcata pactachingapacca caitami canmanca ricuchinga. Canca, ¿chunga gradata inti llandu richunchu munangui? Mana cashpaca ¿chunga gradata huashaiman cutichunchu munangui?— nirca.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

JUECES 6:36

Shina cacpipish Gedeonca Diostaca: —Can nishca shina israelcunata ñuca maquihuan quishpichigricushcata yachangapacca,

JUECES 7:11

paicunapura imata parlanacucta uyagri. Ashtahuan sinchiyashpa macanacunguillami» nirca.

1 SAMUEL 10:7

Ñuca huillashcacuna chashnatac pactacpica, can imata ruhuasha nishcata ruhuailla. Diosca canhuanmi canga.

1 SAMUEL 14:9

Paicuna ricushpa: “Ñucanchic cancunapacman urai shamungacaman shuyaichic” nicpica, paicunapacman mana huichai rishpa shuyashun.