1 SAMUEL 13:22 - Dios Rimashcata Quillcashcami

²² Chai macanacuna punzhaca Saulpac, Jonatanpac soldadocunaca espadatapish, lanzatapish shucllatapish mana charircachu. Ashtahuanpish Saúl, paipac churi Jonatanllami espadataca charirca.

1 SAMUEL 13:22 ပူးပေါင်းရင်းမြစ်များ

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

JUECES 5:8

Israelcuna shuc mushuc dioscunata mashcacucpica, macanacuica pungupi shinami carca. Shina chayamucpica, chuscu chunga huaranga israelcunaca shuc lanzallahuanpish, escudollahuanpish mana carcacunachu.

1 SAMUEL 13:21

Shina ricpimi, yapuna rejacunamanta, azadoncunamantaca canchis gramo cullquita japiccuna carca. Shinallatac hachacunata mulashcamanta, puya fierrota allichishcamantaca quimsa gramosta pezac cullquitami japiccuna carca.

1 SAMUEL 17:47

Shinallatac Mandac Diosca mana espadahuan, mana lanzahuan quishpichic cashcatami tucui caipi cac gentecunaca yachanga. ¡Cai jatun macanacuica Mandac Diospacmi! ¡Paimi cantaca ñucanchic maquipi churanga!— nirca.

1 SAMUEL 17:50

Shinami Davidca chai filisteotaca huaracahuan, shuc rumillahuan huañuchirca. Paica shuc espadallatapish maquipica mana charircachu.