1 SAMUEL 13:19 - Dios Rimashcata Quillcashcami

¹⁹ Tucui Israel llactapica fierromanta imatapish ruhuac runaca shucllapish mana tiyarcachu. Filisteocunami israelcunataca espadatapish, lanzatapish ruhuachunca mana saquircacuna.

1 SAMUEL 13:19 ပူးပေါင်းရင်းမြစ်များ

2 REYES 24:14

Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

ISAÍAS 54:16

Riqui, ninata pucushpa fierrota rupacyachishpa, trabajana fierrota ruhuac runataca ñucami ruhuarcani. Tucuchishpa llaquichic runatapish ñucallatacmi ruhuarcani.

JEREMÍAS 24:1

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, chai llacta shuctac mandaccunatapish, artesanocunatapish, fierrerocunatapish Jerusalenmanta Babilonia llactaman prezu apashca quipami, Mandac Diosca paipac huasi ñaupapi ishcai canashta higota ricuchirca.

JEREMÍAS 29:2

(Chai cartataca jatun mandac Joaquintapish, paipac mama jatun mandactapish, shuctac mandaccunatapish, Judá llactata, Jerusalenta mandaccunatapish, artesanocunatapish, fierrerocunatapish Jerusalenmanta prezu apashca quipami cacharca).

JUECES 5:8

Israelcuna shuc mushuc dioscunata mashcacucpica, macanacuica pungupi shinami carca. Shina chayamucpica, chuscu chunga huaranga israelcunaca shuc lanzallahuanpish, escudollahuanpish mana carcacunachu.

1 SAMUEL 13:20

Chaimantami israelcunaca paicunapac yapuna rejacunata, azadoncunata, hachacunata, hocescunata mulachingapacca filisteocunapacman ric carca.