1 SAMUEL 13:15 - Dios Rimashcata Quillcashcami

¹⁵ Shina nishca quipami Samuelca Gilgal pueblomantaca Benjamín llactapi cac Gabaa puebloman huichai rirca. Saulca paihuan ric macanacuc runacunata yupashpaca sucta patsac soldadocunami carca.

1 SAMUEL 13:15 ပူးပေါင်းရင်းမြစ်များ

1 SAMUEL 13:2

israelpuramantaca quimsa huaranga macanacuc runacunata acllarca. Chaicunamantaca ishcai huarangaca Saulhuanmi Micmas pueblopipish, Bet-el urcupipish carcacuna. Cutin shuc huarangaca Benjamín llacta Gabaa pueblopimi Jonatanhuan carcacuna. Shina acllashca quipami caishuc runacunataca paicunapac carpa huasicunaman cacharca.

1 SAMUEL 14:2

Saulca Gabaa urcu chaquipi shayacuc granadilla yura ladopimi sucta patsac shina gentecunahuan carca. Chai yuraca Migrón pueblo ladopimi shayacurca.

1 SAMUEL 15:12

Chai quipami Samuelca manarac alli punzhayacpi, utca jatarishpa Saulhuan tupangapac rirca. Samuel chaiman chayacpica: —Saulca ñami Carmel puebloman rirca. Riquichic, paita yuyarina pircata shayachishpami Gilgal puebloman muyushpa urai rirca— nirca.