1 SAMUEL 13:13 - Dios Rimashcata Quillcashcami

¹³ Shina nicpimi, Samuelca Saultaca: —Canca yuyac illac shinamari ruhuashcangui. Canta Mandac Dios mandashca shina ruhuashca cacpica, cunanmanta pachami canmanpish, cambac huahua huahuacunamanpish israelcunata mandashpa causanataca saquinman carca.

1 SAMUEL 13:13 ပူးပေါင်းရင်းမြစ်များ

GÉNESIS 31:28

Ñuca huahuacunatapish, ñuca ushicunatapish muchashpa, caya minchacaman nichunllapish mana saquishcanguichu. ¡Canca juizhu illac shinami ruhuashcangui!

2 SAMUEL 24:10

Chai gentecunata David yupachishpaca, mana allita ruhuashcatami paipac shungupimi sintirca. Chaimantami Davidca Mandac Diostaca: —Caita ruhuashpaca yallitami juchallishcani. Caitaca yuyai illac shinami ruhuashcani. Cunanca, Mandac Diosllatac canta servic ñucamanta cai juchata anchuchiyari— nirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

JOB 34:18

Jatun mandactaca: “¿Millaita ruhuacmi” ninallachu canga? Pai churashca mandaccunataca, “¿Diosta mana manchaccuna” ninallachu canga?

PROVERBIOS 12:8

Runaca alli yachac cashcamantami alli nishca canga. Ashtahuanpish millai shungu runataca tucuimi mana ricunayachinga.

PROVERBIOS 19:3

Yuyai illac runaca paipac causaipimi pandarin. Chai quipaca paipac shungupimi Mandac Diosta piñan.

ISAÍAS 39:5

Shina nicpimi, Isaiasca Ezequiastaca: —Tucuita Mandac Dios rimashcata uyai. Paica:

JEREMÍAS 18:10

Ashtahuanpish ñuca rimashcata mana cazushpa, ñuca ñaupapi mana allita ruhuacpica, paicunaman allita ruhuanata yuyarishcataca saquishami.

1 SAMUEL 1:22

Ashtahuanpish Anaca mana rishpami paipac cusataca: —Cai huahua chuchumanta raquingacaman mana rishachu. Ña raquirishca quipami cai huahuataca paipac huasipi servishpa causachun, Mandac Diosman cushpa paipac ñaupapi saquingapac risha— nirca.

1 SAMUEL 13:12

Chaimantami ñucaca: “Cunanca filisteocuna ñucanchic-huan macanacungapac Gilgal puebloman urai shamungamari. Ñucaca Mandac Diosta ayudachun nishpaca mana mañashcanichu” yuyashpami ñucallatac Diosman cushpa tucui rupachingapac shayarircani— nirca.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.

1 SAMUEL 15:28

Shina lliquiricpimi Samuelca: —Mandac Diosca can chashna lliquishca shinami Israel llactata can mandanata quichushpa cambac ricsishca canta yalli ashtahuan alli runaman curca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 26:21

Shina nicpimi Saulca: —Ñuca huahua Davidlla, ñucaca juchatami ruhuashcani. Cunanca cutilla, ashtahuanca mana llaquichishachu. Canca ñuca causaita yalli cuyashpami, cunanca mana huañuchishcagui. Riqui, ñucaca yuyai illac runa shinami, mana allita ruhuashpa pandarishcani— nirca.