1 SAMUEL 12:25 - Dios Rimashcata Quillcashcami

²⁵ Ashtahuanpish mana allita ruhuashpa catishpaca cancunapish, cancunata jatun mandacpish huañunguichicmi— nirca.

1 SAMUEL 12:25 ပူးပေါင်းရင်းမြစ်များ

JOB 36:12

Ashtahuanpish mana uyashpaca espadahuan huañuchicpimi ima allitapish mana yachashpa chingaringacuna.

ISAÍAS 1:20

Ashtahuanpish cariyashpa, mana uyasha nishpaca jatun macanacuipimi tucuringuichic. Chaitaca Mandac Dios ñucami nini» ninmi.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

OSEAS 10:3

Chaimantami paicunaca: «Mandac Diosta mana manchashcamantami ñucanchicca jatun mandacta mana charinchic. Jatun mandac tiyashpapish, ¿imatatac ñucanchicmanta ruhuai pudingayari?» ningami.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

DEUTERONOMIO 8:19

Ashtahuanpish canta Mandac Diosta cungarishpa, shuctac dioscunata catishpa paicunapac ñaupapi cumurishpa, adorashpaca, tucuimi tucuringuichic nishpami huillani.

JOSUÉ 23:16

Cancunata Mandac Dios-huan ari nishcacunata mana cazushpa, shuctac ruhuashcalla dioscunata servishpa cumuricpica, Mandac Diosca nina japiric shinami cancunahuanca piñaringa. Chashna piñaricpica, pai cushca sumac allpapica utcami tucui tucuringuichic» nirca.

JOSUÉ 24:20

Cancuna Mandac Diosta saquishpa, shuctac dioscunata servishpa causacpica, piñarishpa cancunamanta anchurishpa llaquichishpami tucuchinga. Cancunaman allita ruhuashca cashpapish tucuchingami— nirca.

1 SAMUEL 13:1

Saulca ñami shuc huatata mandarca. Ña ishcai huatata israelcunata mandacushpami,