1 SAMUEL 12:12 - Dios Rimashcata Quillcashcami

¹² Ashtahuanpish amonitacunata jatun mandac Nahas cancunata piñashpa macanacungapac shamucta yachashpaca: “Ñucanchicta mandachunca shuc jatun mandactami munanchic” nircanguichic. Cancunata Mandac Dios cancunapac jatun mandac cacpipish, shuctac mandacta charinatami munarcanguichic.

1 SAMUEL 12:12 ပူးပေါင်းရင်းမြစ်များ

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

SALMOS 74:12

Shina cashpapish Dioslla, ñaupa punzhacunamantami ñuca jatun mandac cangui. Canmi cai pachapica jatun macanacuita atishpa quishpichic cangui.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

JEREMÍAS 40:11

Judá llactamanta rishpa Moab, Amón, Edom llactacunapi causaccunatapish, tucui caishuc llactapi causaccunatapish Babilonia llactata jatun mandac Judá llactapi maijan saquishcacunata Ahicampac churi, Safanpac nieto Gedaliasta mandachun churashcatami yachac chayarca.

OSEAS 13:10

Cancunapac llactacunata quishpichingapacca, ¿maipitac cancunapac jatun mandacca? Cancunaca: “Shuctac mandaccunata cui” nishpami mañarcanguichic. ¿Maipitac chai mandaccunaca?

NÚMEROS 23:21

Jacobopac churi israelcunapica ima juchata mana ricushcanichu. Ima millaitapish mana ricushcanichu. Mandac Diosca paicunahuanmi. Paitaca: “Jatun mandacmi cangui” nishpami caparincuna nirca.

JUECES 8:23

Shina nicpipish Gedeonca: —Ñucapish, ñuca churipish mana mandashunchu. Ashtahuanpish Mandac Diosllami mandanga— nirca.

JUECES 9:18

Cunan cancunaca ñuca taitapac aillucunata piñashcanguichicmi. Chaimantami ñucapac canchis chunga huauquicunata shuc rumi jahuapi huañuchircanguichic. Chaimantaca ñuca taitapac huashalla charina huarmipac huahua Abimelectami cancunapac huasi ucu cashcallamanta mandac cachun churashcanguichic.

1 SAMUEL 10:19

Shina cacpipish, cancunaca tucui llaquicunahuan llaquichishca causacushcamanta llucchic cancunapac Diostami llaquichircanguichic. Chashna cashpami ñucataca: “Ima cachunpish jatun mandacta churaiyari” nishcanguichic. Chashna cashcamanta cunanca tucui aillucunapish huaranga huarangapi tandanacushcacunapish Mandac Diospac ñaupaman shamuichicyari» nirca.

1 SAMUEL 8:3

Ashtahuanpish churicunaca paicunapac taita shinaca mana causarcacunachu. Paicunaca charicyangaraicu cullquita pacalla japishpami cashcataca mana ruhuarcacuna.