1 SAMUEL 12:11 - Dios Rimashcata Quillcashcami

¹¹ Chaimantami Mandac Diosca cancunapac muyundipi causac cancunata piñaccunapac maquimanta quishpichichun Jerobaalta, Baracta, Jefteta shinallatac Samuelta cacharca. Chaimantami ima llaquipish mana japicpi, sumacta causarcanguichic.

1 SAMUEL 12:11 ပူးပေါင်းရင်းမြစ်များ

2 REYES 13:5

Chaimantami Mandac Diosca israelcunapacman shuc quishpichicta cacharca. Pai siriocunapac maquimanta quishpichicpimi, israelcunaca puntaman causashca shina paicunapac carpacunapi causarca.

1 CRÓNICAS 7:17

Ulampac churica Bedanmi carca. Caicunami Galaadpac churicunaca carca. Galaadca Maquirpac churi, Maquirca Manasespac churimi carca.

JUECES 4:6

Débora Neftalí aillucunapac Cedes pueblopi causac Abinoampac churi Baracta cayac cachashpaca: —Israelcunata Mandac Diosca: “Neftalipac, Zabulonpac aillucunamanta chunga huaranga macanacuc runacunata Tabor urcupi tandachi.

JUECES 6:14

Mandac Dios paipac ñahuita ricushpa rimashpaca: —Cambac tucui fuerzahuan rishpa, israelcunata madianitacunapac maquimanta quishpichigri. ¿Manachu ñuca cantaca cachani?— nirca.

JUECES 6:31

Chaimantami Joasca paipac ñaupapi caccunataca: —¿Cancunachu Baalmanta shayarishpa misashun ninguichic? Maijanpish Baal diosmanta shayarishpa misacca cunan tutamantallatac huañuchun. Baal ciertotac dios cashpaca paillatac paipac altarta misachun— nirca.

JUECES 6:32

Chai punzhallatacmi Gedeontaca Jerobaal nishpa shutichirca. Chaica: “Baal-llatac paipac altarta tigrachishcamanta misachun” nisha ninmi.

JUECES 7:1

Jerobaal nishca Gedeonca tucui paihuan caccunandimi tutamanta utca jatarishpa Harod tucyac yacu ladopi carpa huasita shayachishpa tiyarigrirca. Cutin madianitacunapac carpa huasicunaca paicunamanta jahua ladoman cac Moré urcu chaqui jatun pambapimi carca.

JUECES 8:29

Joaspac churi Jerobaal nishca Gedeonca paipac huasiman rishpami causarca.

JUECES 8:35

Gerobaal nishca Gedeontapish huasi ucupura causaccunatapish, cai tucui allicunata ruhuashcamantapish mana pagui nircacunachu.

1 SAMUEL 3:20

Tucui israelcunami Dan pueblopi causaccunamanta callarishpa Beerseba pueblopi causaccunacaman Samueltaca Mandac Dios ima nishcata huillashpa alli pactachic cacta yacharca.

1 SAMUEL 7:13

Chashna israelcuna filisteocunata mishashpa llaquichicpimi, Israel llactamanca mana cutin yaicui pudirca. Mandac Diospac maquica Samuel tucui causacui punzhacunami filisteocunataca llaquichirca.