1 SAMUEL 10:26 - Dios Rimashcata Quillcashcami

²⁶ Chai quipami, Samuelca tucui gentecunata paicunapac huasicunaman cacharca. Shinallatac Saulpish Gabaa llactapi tiyac paipac huasimanmi rirca. Macanacungapac cac sinchi runacunapish paicunapac shungupi Dios alli nicpimi, Saulhuan rircacuna.

1 SAMUEL 10:26 ပူးပေါင်းရင်းမြစ်များ

2 SAMUEL 21:6

Cunanca, paipac huahua huahuacunamanta canchis runacunata Mandac Dios acllashca Saulpac Gabaón pueblopi sipingapac cui— nirca. Shina nicpimi, jatun mandacca: —Chai runacunata cushallami— nirca.

ESDRAS 1:5

Chaimantami Judapac, Benjaminpac ñaupa taitacunapac huasi ucupuracunata mandaccunapish, curacunapish, levitacunapish Mandac Dios yuyaita cushcacunaca, Jerusalenman rishpa Diospac huasita shayachingapac allichirircacuna.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

ISAÍAS 10:29

Ashalla yacuta pasashpami Geba llactapi pacarirca. Ramá llactapi causaccunaca chucchurcami. Saulpac Gabaa llactamantapish miticushpami callparca.

HECHOS 13:48

Chashna nicta mana israelcuna uyashpaca: “¡Diosmanta alli huillaica sumacmari!” nishpami, yallita cushicurca. Huiñai causaita charichun, Dios acllashcacunaca, tucuimi crircacuna.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

JOSUÉ 18:28

Zela, Elef, Jerusalén nishca Jebús, Gabaa, Quiriatmi carca. Tucuica chunga chuscu pueblocunami, muyundi uchilla llactacunandi carca. Benjaminpac churicunaman paicuna mashna cashcata ricushpa cushca allpaca chaicunami carca.

JUECES 20:14

Uyanapac randica, israelcunahuan macanacungapacmi paicunapac pueblomanta llucshishpa Gabaa pueblopi tandanacurca.

1 SAMUEL 11:4

Huillachun cachashca runacuna Saúl causacuc Gabaa puebloman chayashpaca tucui gentecunamanmi cai llaquita huillarca. Chaita uyashpami, tucui gentecuna caparishpa huacarca.

1 SAMUEL 13:2

israelpuramantaca quimsa huaranga macanacuc runacunata acllarca. Chaicunamantaca ishcai huarangaca Saulhuanmi Micmas pueblopipish, Bet-el urcupipish carcacuna. Cutin shuc huarangaca Benjamín llacta Gabaa pueblopimi Jonatanhuan carcacuna. Shina acllashca quipami caishuc runacunataca paicunapac carpa huasicunaman cacharca.

1 SAMUEL 15:34

Chai quipami Samuelca Ramá puebloman rirca. Shinallatac Saulpish Gabaa pueblopi cac paipac huasiman rirca.