1 SAMUEL 10:25 - Dios Rimashcata Quillcashcami

²⁵ Chai quipami Samuelca jatun mandac ima shina mandanata huillashpa, chai nishcacunata quillcashpa, Mandac Diospac huasi ucupi huacaichirca.

1 SAMUEL 10:25 ပူးပေါင်းရင်းမြစ်များ

2 REYES 11:17

Chai quipaca Joiada curami jatun mandactapish, gentecunatapish Mandac Diosman imata ruhuashpa pactachichun, Mandac Diospaclla causachun ari nichirca. Shinallatac jatun mandactapish, chai gentecunatapish ari nichircami.

DEUTERONOMIO 31:26

«Mandashcacunata quillcashca librota japishpa, Mandac Dios-huan ari nishca quillcata huacaichina Arca ladopi churaichic. Chaipimi cancunata llaquichinata ricuchishpa tiyacunga.

1 TIMOTEO 2:2

jatun mandaccunamanta, llactatac mandaccunamanta, ñucanchic sumacta apanacushpa cangapacca, Diosta mañashpa causachunmi munani. Shina mañashpami Diosta cazushpa, imapipish alli nishca cashun.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

JOSUÉ 22:6

Chai quipaca Josué paicunata bendiciashpa cayacaman nicpica, paicuna causana carpa huasicunaman cutircacunallami.

1 SAMUEL 11:14

Chai quipami Samuelca israelcunataca: —¡Cai llactata mandacta allita churangapac Gilgal puebloman jacuchic!— nirca.

1 SAMUEL 8:9

Cunanca paicuna ima mañashcata ruhuailla. Ashtahuanpish shuc jatun mandac yaicushpa paicunata ima shina mandashpa charina cashcata allita yapachishpa huillangui» nirca.