1 SAMUEL 10:1 - Dios Rimashcata Quillcashcami

¹ Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 10:1 ပူးပေါင်းရင်းမြစ်များ

2 SAMUEL 1:14

Shina nicpimi Davidca: —¿Canca ima nishpatac aceitehuan cahuishpa Mandac Dios acllashca runataca mana manchashpa maquihuan huañuchircangui?— nirca.

2 SAMUEL 19:39

Shinami tucui gentecunapish, jatun mandacpish Jordán yacuta pasarca. Quipataca jatun mandac Barzilaitapish muchashpa bendiciashpami, paipac huasiman cacharca.

2 SAMUEL 20:19

Ñucaca cushi causaita munac, israelcunata allita cazucmi cani. Ashtahuanpish canca tucui israelcunapac mama shina pueblotami tucuchisha ningui. ¿Ima nishpatac Mandac Dios cushca pueblotaca tucuchisha ningui?— nirca.

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

1 REYES 1:34

Chaipimi Sadoc curapish, Dios ima nishcata huillac Natanpish Salomontaca israelcunata jatun mandac cachun aceitehuan cahuinga. Chai quipaca trompetapi tocachishpaca: “¡Jatun mandac Salomón causachun!” nishpa caparinguichic.

1 REYES 19:18

Ñucaca israelcunapurapica Baal diosta mana cunguric, paicunapac shimihuan mana muchaccunataca canchis huaranga runacunatami saquigrini— nirca.

2 REYES 20:5

«Ñuca acllashcacunata mandac Ezequiaspacman cutirishpa: “Cambac taita Davidta Mandac Diosca: ‘Can mañashcataca uyanimi. Cambac huiquitapish ricunimi. Cantaca alliyachigrinimi. Quimsa punzha quipaca Mandac Dios ñuca huasiman ringui.

2 REYES 9:1

Eliseoca Dios ima nishcata huillacpuramanta shucta cayashpami: «Allichirishpa, cai uchilla puñu aceiteta apashpa, Galaad llacta Ramot puebloman ri.

2 REYES 9:12

Shina nicpimi paicunaca: —¡Ama llullaichu! ¡Pai ima nishcata huillai!— nircacuna. Shina nicpimi paica: —Cashna chashna nishpami: “Mandac Diosca: Ñucami cantaca Israel llactata jatun mandac cachun aceitehuan cahuini” ninmi— nishpami huillarca.

SALMOS 135:4

Mandac Diosmi Jacobotaca acllarca. Israelcunatapish paimi paipaclla cachun chicanyachirca.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

SALMOS 78:71

Davidtaca cunanlla huacharishca ovejacunata michina pambamantami pai acllashca Jacobopac huahuacunata, paipaclla israelcunata michichun apamurca.

ÉXODO 30:23

«Sumac mishquilla ashnacucta acllai: Sucta kilo alli mirrata, quimsa kilo mishquilla ashnacuc canelata shinallatac quimsa kilo mishquilla ashnacuc calomata,

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

EZEQUIEL 16:13

Canca curihuan, cullquihuan allichishcami carcangui. Alli linomanta, sedamanta ruhuashca sumac churanatami churarircangui. Micunatapish ashtahuan alli trigo harinata, abeja mishquita, aceitetami micurcangui. Chashnami canca tucuimanta yalli alli tucushpa, jatun mandacpish tucurcangui.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

HECHOS 13:21

Samuel mandacui punzhacunapi israelcuna jatun mandacta mañacpica, Diosca Cispac churi Saultami chuscu chunga huatata mandachun curca. Saulca Benjamín aillumantami carca.

DEUTERONOMIO 32:9

Mandac Dios japinaca pai acllashcacunami. Pai japinaca Jacobomi.

1 TESALONICENSES 5:26

Tucui criccuna muchashpa caishuc chaishuc saludanacuichic.

HEBREOS 2:10

Tucui ima tiyashcatapish Diosmi ruhuashca. Diosca tucui paipac huahuacuna sumaimana cushicuita japichunmi munan. Chaimantami Diosca Quishpichic Jesucristotaca, pai llaquita apashcamanta sumacyachirca.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.

1 SAMUEL 12:3

Cunanpish caipimi cani. Cunan imatac nina cashpapish, mandac Diospac ñaupapi nichiclla. Huagrata cashpa, burrota cashpa maijanmanta quichushca cacpica, ñahui ñahui nichiclla. Maijanta cashpapish yanga juchanchishpa llaquichishca cacpi, mana cashpaca maijanmanta imatapish pacalla japishpa ñahuita huichcac shina mana ima nishpa saquishca cacpica huillaichiclla. Ñucaca cancunaman ima cutichina cacpipish cutichishallami— nirca.

1 SAMUEL 13:14

Ashtahuanpish cunanca mana unaitachu mandangui. Canta Mandac Dios mandashcata mana cazushcamantaca pai munashca shina causac runatami pai acllashcacunata mandachunca churanga— nirca.

1 SAMUEL 15:1

Chai quipami Samuelca Saultaca: —Mandac Diosmi pai acllashca israelcunata jatun mandac cachun cantaca aceitehuan cahuichun ñucata cacharca. Chaimanta cunanca Mandac Dios ima nishcata alli uyangui.

1 SAMUEL 15:17

Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

1 SAMUEL 2:10

Mandac Diosta piñaccunataca paillatacmi ñutuchishpa chingachinga. Paicunata llaquichingapacca jahua pachamantami tulun ninga. Tucui cai pachapi causaccuna ima ruhuashcataca Mandac Diosmi ricuchinga. Pai acllashca jatun mandaccunamanpish paimi yachaita cunga. Aceitehuan cahuishpa paipacllata ruhuashcacunataca paimi imatapish ruhuacllata ruhuanga» nirca.

1 SAMUEL 24:6

Chaimantami paipac runacunataca: —Mandac Dios acllashpa aceitehuan cahuishca ñuca amota huañuchinamantaca Mandac Diosllatac jarcachun. Paica Mandac Diospaclla cachun aceitehuan cahuishca mandacmari— nirca.

1 SAMUEL 26:11

Mandac Dios acllashca jatun mandacta ñuca huañuchinamantaca Mandac Diosllatac jarcachun. Cunanca paipac uma ladopi shayacuc lanzata, jarro yacutapish apashpa jaculla— nirca.

1 SAMUEL 26:9

Shina nicpimi, Davidca Abisaitaca: —Ama huañuchichu. Mandac Dios acllashca jatun mandacta huañuchicpica, paipish llaquichingami— nirca.

1 SAMUEL 8:19

Ashtahuanpish gentecunaca Samuel chashna nicpipish mana uyashpami: —Ima cachunpish jatun mandacta charinatami munanchic.

1 SAMUEL 8:9

Cunanca paicuna ima mañashcata ruhuailla. Ashtahuanpish shuc jatun mandac yaicushpa paicunata ima shina mandashpa charina cashcata allita yapachishpa huillangui» nirca.

1 SAMUEL 9:16

«Caya cai horasllatacmi Benjamín aillupac llactamanta shuc runata cambacman cachasha. Paitaca ñuca acllashca israelcunata mandac cachun aceitehuan cahuingui. Paimi ñuca acllashcacunataca filisteocunapac maquimanta quishpichinga. Ñuca acllashcacuna llaquilla causacushcata ricushcanimi. Paicuna caparishpa mañashcaca ñucamanmi uyarirca» nirca.

1 SAMUEL 9:27

Chai pueblomanta ña llucshicushpami Samuelca Saultaca: —Canta servictaca ñaupachishpa cachai. Ashtahuanpish canman Dios ima nishcatami huillagrini— nirca. Chai servic runaca ñaupashpa rircallami.