1 SAMUEL 1:20 - Dios Rimashcata Quillcashcami

²⁰ Chashnami Ana huicsayuc tucushpa, sajuarina punzha pactacpica, shuc cari huahuata sajuarirca. Chai huahuataca: «Mandac Diostami ñucaca mañarcani» nishpami Samuelta shutichirca.

1 SAMUEL 1:20 ပူးပေါင်းရင်းမြစ်များ

GÉNESIS 16:11

Cunanca, huicsayucmi cangui, shuc cari huahuatami charingui. Chai huahuataca Dios cambac llaquita uyashcamantami Ismaelta shutichingui.

GÉNESIS 30:22

Shina cacpipish, Mandac Diosca Raqueltapish yuyarishpami, pai mañashcata uyarca. Chaimantami huahuacunata charichun saquirca.

GÉNESIS 4:25

Adán cutinllatac paipac huarmi Evapi chayaricpica, shuc cari huahuatami charirca. Chai huahuataca: «Diosmi Caín huañuchishca Abelpac randi cun» nishpami Setta shutichirca.

GÉNESIS 5:29

Chai huahuataca: «Dios allpata mana alli nishcamanta allpapi yalli ñucanchic rigracunahuan sinchita trabajacucpimi, samachinga» nishpami Noeta shutichirca.

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

SALMOS 120:1

Llaquihuan cashpa Mandac Diosta mañacpica, paica cutichircami.

ÉXODO 2:10

Chai huahua huiñacpica, Faraonpac ushiman cungapacmi apamurca. Paica chai huahuataca quiquin huahua shinatami charirca. Paica: «Cai huahuataca yacumantami llucchircani» nishpami, Moisesta shutichirca.

ÉXODO 2:22

Chai huarmica shuc cari huahuatami charirca. Chai huahuataca: «Shucpac llactapi pozashpa causacllami cani» nishpami, Gersonta shutichirca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

HEBREOS 11:32

Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish, Dios ima nishcata huillaccunamantapish mana tucui parlai pudinichu.