1 SAMUEL 1:17 - Dios Rimashcata Quillcashcami

¹⁷ Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.

1 SAMUEL 1:17 ပူးပေါင်းရင်းမြစ်များ

GÉNESIS 25:21

Isaacca paipac huarmi mana huahuata chari pudishcamantami Mandac Diosta mañarca. Chashna mañacpica, Mandac Diosca uyarcami. Chaimantami paipac huarmica huicsayuc tucurca.

2 SAMUEL 15:9

Shina nicpimi jatun mandacca: —Shinashpaca mana manchashpa rilla— nirca. Shina nicpimi, Absalonca jatarishpa Hebrón puebloman rirca.

2 REYES 5:19

Shina nicpimi Eliseoca: —Ama manchaichu, rilla— nishpa cacharca. Naamán paipac ñaupamanta caruyashpa ricpimi,

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

MARCOS 5:34

Chaimantami Jesusca: —Huahua, can crishcamantami alliyashcangui. Cunanca, cushicushpa rilla. Ungüimantaca jambirishcanguimi— nirca.

SAN LUCAS 7:50

Chaimantami Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

SAN LUCAS 8:48

Chashna huillacpimi Jesusca: —Huahua, crishcamantami alliyashcangui. Cushicushpa rilla— nirca.

JUECES 18:6

Shina nicpimi, chai curaca: —Cancunata Mandac Diosmi cuidashpa pushacun, ama manchashpa cushilla richiclla— nirca.

1 SAMUEL 1:16

Canta servic ñucataca ama Diosta mana manchacmi nishpa yuyaichu. Ashtahuanpish jatun llaquihuan huacashpa causacushpami, cunancaman mañacurcani— nirca.

1 SAMUEL 1:23

Shina nicpi, paipac cusa Elcanaca: —Canman ashtahuan alli canata ruhuailla. Shinashpaca cai huahuata chuchumanta raquingacaman saquirilla. ¡Mandac Dios pai ruhuasha nishcataca pactachishpami alli canman!— nirca. Shina nicpimi, Anaca huasipi saquirishpa paipac cari huahuataca chuchumanta raquiringacaman huiñachirca.

1 SAMUEL 20:42

Chai quipami Jonatanca Davidtaca: «Imatapish mana manchashpa rilla. Ñucanchicca ishcaitami Mandac Diospac ñaupapi: “Mandac Dios cantapish, ñucatapish, cambac huahuacunatapish, ñucapac huahuacunatapish huiñaita ricuchun” nishpami ari nircanchic» nirca. Shina nicpimi, Davidca jatarishpa rirca. Shinallatac Jonatanpish puebloman cutirca.

1 SAMUEL 25:35

Shina nishpa Davidca Abigaíl imalla apamushcata japishpaca: —Imatapish mana manchashpa, cambac huasiman rilla. Riqui, can ima nishcatapish uyashpami cazuni— nirca.

1 SAMUEL 29:7

Shina cashcamanta filisteocunata mandaccunata ama ashtahuan piñachingapac, mana piñarishpa sumacta cutilla— nirca.