1 SAMUEL 1:15 - Dios Rimashcata Quillcashcami

¹⁵ Shina nicpimi Anaca: —Ñuca amito, mana machashcachu cani. Vinotapish, machana yacutapish mana ubiarcanichu. Ashtahuanpish ñuca shungupimi, achca llaquihuan cani. Chaimantami ñuca tucui almahuan Mandac Diosta mañacuni.

1 SAMUEL 1:15 ပူးပေါင်းရင်းမြစ်များ

JOB 30:16

Cunanca ñuca causaica yacuyac shinami chingarin. Ñucaca punzhantami yallita llaquihuan cani.

SALMOS 143:6

Chaita yuyarishpami cambacman ñuca maquicunata chutani. Ñuca almaca chaquishca allpa tamyata shuyac shinami canta shuyacun.

SALMOS 42:4

Achcacunata pushashpami Diospac huasimanca ric carcani. Fiestacunapipish achcacunahuanmi cushi tonohuan cantashpa chayac carcani. Tucui chaicunata yuyarishpami, tucui almahuan yallita llaquirini.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

SALMOS 62:9

Alli yuyaricpica, yangalla runapish, alli nishca runapish yangallami. Paicunata balanzapi pezacpica huaira shinallami.

PROVERBIOS 14:10

Causai llaquilla cashcataca shungullami yachan. Cushicui tiyacpipish, shuctaccunaca mana yachancunachu.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 25:15

Mandac piñaricpica, allimantallami cushichina. Sumac rimaicunaca tullutapish paquinllami.

LAMENTACIONES 2:19

Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.

1 SAMUEL 1:16

Canta servic ñucataca ama Diosta mana manchacmi nishpa yuyaichu. Ashtahuanpish jatun llaquihuan huacashpa causacushpami, cunancaman mañacurcani— nirca.

1 SAMUEL 7:6

Israelcunaca Mizpa pueblopi tandanacushpami yacuta llucchishpa, Mandac Diospac ñaupapi tallirca. Chai punzhami ayunashpa: «Juchata ruhuashpami Mandac Diostaca llaquichishcanchic» nirca. Samuelca israelcuna piñanacushcamantaca Mizpa pueblopimi allichirca.