1 REYES 9:8 - Dios Rimashcata Quillcashcami

⁸ Sumac nishpa charishca cai huasitaca urmashcata ricushpami, maijanpish mancharinga. Chaita ricushpa, burlashpa asishpaca: “Mandac Diosca, ¿ima nishpatac cai llactatapish, cai huasitapish chashna llaquichinyari?” ningacunami.

1 REYES 9:8 ပူးပေါင်းရင်းမြစ်များ

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

2 CRÓNICAS 29:8

Chaimantami Mandac Dios yallita piñarishpa, Judá llactapi, Jerusalenpi causaccunaman llaquita cacharca. Chai llaqui shamucpimi, jatun mancharina tucushpa, burlashpa pingaichishca carcacuna. Chaitaca cancunapac ñahuihuantacmi ricucunguichic.

2 CRÓNICAS 36:19

Chai quipaca Mandac Diospac huasita rupachishpami, Jerusalén muyundi jatun pircatapish urmachirca. Mandashpa tiyana huasitapish rupachishpami, chai huasipi imalla sumaimana tiyashcacunatapish tucui chingachirca.

2 CRÓNICAS 7:21

Cai sumaimana huasi urmashcata ricushpaca, pipish caita pasaccunaca mancharishpami: “Mandac Diosca, ¿ima nishpatac cai llactatapish, cai huasitapish chashna ruhuanyari?” ninga.

ISAÍAS 64:11

Ñucanchic taitacuna can Diosta alli nina cambaclla huasipish rupashcami siricun. ¡Ñucanchic charishca sumaccunapish tucuimi tucurishca!

JEREMÍAS 16:10

Cai gentecunaman cai tucuita huillacpica paicunaca: “¿Ima nishpatac Mandac Diosca ñucanchictaca yallita llaquichisha nishpa huillachicunyari? Ñucanchicca, ¿ima mana allitatac ruhuashcanchicyari? Mana cashpaca, ¿ima juchata ruhuashpatac ñucanchic Mandac Diostaca piñachishcanchicyari?” ningami.

JEREMÍAS 18:16

Chashnami paicunapac llactaca llaquinayaita tucuchicun. Tucui causaipi yallita burlashpa asina llactami tucunga. Maijanpish chai llactata pasacushpaca mancharishpa, umata cuyuchishpami pasanga.

JEREMÍAS 19:8

Chai llactataca tucuipac mancharinata, burlashpa asinatami ruhuasha. Pipish chaita pasashpaca, yallita mancharingami, shinallatac chai llacta llaqui tucushcamanta burlashpa asingami.

JEREMÍAS 22:28

¿Coniasca pipish mana ricusha nishca, allpamanga paquirishca shinachu? ¿Pipish mana munashca allpa plato shinachu? ¿Ima nishpatac paipish, paipac huahua huahuacunapish mana ricsishca llactaman llucchishpa cachashca cancuna?

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

JEREMÍAS 49:17

Mandac Diosca: «Edom llactaca mancharina llaquimi tucunga. Chaita pasaccunaca chashna llaquinayaita siricucta ricushpaca mancharingacunami. Burlashpami asingacuna.

JEREMÍAS 5:19

Chai punzhapi maijan: “Mandac Diosca, ¿imamantatac ñucanchictaca chashna llaquichin?” nicpica: “Cancunallatac Mandac Diosta saquishpa, cancunapac llactapi shuctac dioscunata servinguichic. Chashnallatacmi cancunaca mana ricsishca runacunata servishpa, mana ricsishca llactapi causagringuichic” ninguichic» nirca.

JEREMÍAS 50:13

Ñuca yallita piñarishpami chai llactaca shitashca pamba, shucllapish mana causanata saquisha. Babilonia llactata pasaccunaca llaquinayai siricucta ricushpami mancharinga. Burlashpami asingacuna.

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

LAMENTACIONES 2:15

Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

DANIEL 9:12

Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.

DEUTERONOMIO 28:37

Mandac Dios mai llactacunaman apacpipish, chai llactapi causaccunapac burlashcalla, asishcallami canguichic.

DEUTERONOMIO 29:23

“Azufrehuan, cachihuan rupashca allpaca imata tarpucpipish mana pucungachu. Ima quihuapish mana huiñangachu. Sodoma, Gomorra, Adma, Zeboim, llactacuna shinami tucushca. Chai llactacunataca Mandac Diosmi nina japiric shina piñarishpa, tucui tucuchirca” ninga.