1 REYES 9:5 - Dios Rimashcata Quillcashcami

⁵ Shina causacpica, ñucallatacmi Israel llactata mandangapac can tiyarinataca, cambac taita Davidman huillashca shinallatac sinchiyachishpa churasha. Paitaca: “Cambac huahua huahuacunamantaca israelcunata mandangapac tiyarinapi tiyaric runaca mana illangachu” nircanimi.

1 REYES 9:5 ပူးပေါင်းရင်းမြစ်များ

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

2 SAMUEL 7:16

Cambac huasi ucupurapish, can mandanapish jaicapi mana tucuringachu. Shinallatac can mandashpa tiyanaca huiñaitami caticungalla’ ninmi” ningui» nirca.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 6:12

«Can shayachishca huasimantaca caitami nisha nini. Ñuca quillcashcacunata cazushpa, ñuca huillashcata uyashpa, ñuca mandashca shimicunata tucui pactachishpa alli causacpica, cambac taita Davidman ima nishcataca canhuanmi pactachisha:

1 REYES 8:15

Shina shayacucpi paica: «Israelcunata Mandac Diosca alli nishca cachun. Ñuca taita Davidman pai ima nishcataca paipac maquihuan ruhuashpami pactachishca. Paica:

1 REYES 8:20

Mandac Diosca pai cushami nishcataca pactachishcami. Chaimantami ñucaca Mandac Dios ima shina nishca shinallatac ñuca taita Davidpac randi, israelcunata mandangapac tiyarinapi tiyarircani. Shinallatac israelcunata Mandac Diospac shutipi mañana huasitapish shayachircani.