1 REYES 9:20 - Dios Rimashcata Quillcashcami

²⁰ Amorreo, heteo, ferezeo, heveo shinallatac jebuseopuramanta ashalla saquirishca gentecunahuanmi chashnaca ruhuarca. Paicunaca mana israelcunachu carca.

1 REYES 9:20 ပူးပေါင်းရင်းမြစ်များ

1 REYES 5:15

Salomonca imalla ashtana cashcata ashtachunca canchis chunga huaranga runacunatami charirca. Urcupi rumita labraccunataca, pusac chunga huaranga runacunatami charirca.

1 REYES 9:19

Shinallatac imalla tiyashcacunata huacaichingapac pueblocunatapish allichircami. Macanacuna carretacunata huacaichina pueblocunatapish, caballocunata charina pueblocunatapish shayachircami. Jerusalenpi, Líbano llactapi, pai mandacuc tucui llactacunapi ima ruhuana cashcataca tucuimi ruhuarca.

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

1 CRÓNICAS 1:15

heveo, araceo, sineo,

1 CRÓNICAS 22:2

Chai quipami Davidca caru llactamanta shamushpa, Israelpi causacuccunata tandanacuchun mandarca. Chashna tandachishpami maijantaca Mandac Diospac huasita shayachingapac rumita allichichun churarca.

ESDRAS 2:55

Salomonta serviccunapuramanta Sotaipac, Soferetpac, Perudapac,

ESDRAS 2:58

Diospac huasipi serviccunahuan Salomonta serviccunapac huahua huahuacunahuan tucui tandachishcaca quimsa patsac iscun chunga ishcaimi cutimurca.

ÉXODO 23:23

Ñuca angelmi ñaupata rishpa amorreocunapac, heteocunapac, ferezeocunapac, cananeocunapac, heveocunapac shinallatac jebuseocunapac llactaman apanga. Paicunataca ñucami tucuchisha.

JOSUÉ 11:3

Chashnallatac inti tigrana ladopi, inti llucshina ladopi causac cananeocunamanpish, urcupi causac amorreocunamanpish, heteocunamanpish, ferezeocunamanpish, urcucunapi causac jebuseocunamanpish, Mizpa llacta Hermón urcu chaquipi causac heveocunamanpishmi huillachun cacharca.

JUECES 3:3

Chai llactacunaca caicunami: Filisteocunamantaca pichca pushaccuna, tucui cananeocuna, Líbano urcu llactapi causac sidoniocunapish, heveocunapish cancuna. Paicunapac llactaca Baal-hermón urcumantaca Hamat pueblocamanmi carca.

JUECES 3:5

Shina cashcamantami israelcunaca cananeocunahuan, heteocunahuan, amorreocunahuan, ferezeocunahuan, heveocunahuan, jebuseocunahuan causarca.