1 REYES 9:1 - Dios Rimashcata Quillcashcami

¹ Salomonca Mandac Diospac huasitapish, pai mandashpa tiyana huasitapish, tucui imata ruhuangapac yuyaricushcatapish tucuimi tucuchirca.

1 REYES 9:1 ပူးပေါင်းရင်းမြစ်များ

1 REYES 3:1

Jatun mandac Salomonca Egipto llactata jatun mandac Faraonpac ushihuan cazarashpami familiapura tucurca. Paica Faraonpac ushi paipac huarmitaca Davidpac pueblomanmi pushamurca. Salomonca pai mandashpa tiyana huasitapish, Mandac Diospac huasitapish, Jerusalén pueblo muyundi pircatapish ruhuangacamanmi chaipi charirca.

1 REYES 6:37

Ña chuscu huatata Salomón mandacucpimi, Zif shuti quillapi, Mandac Diospac huasita shayachingapac callari rumicunata churarca.

1 REYES 7:1

Chai quipami Salomonca pai causana huasita shayachirca. Chai huasitaca chunga quimsa huatapimi tucui tucuchirca.

1 REYES 7:2

Shinallatac shuctac huasitapish shayachircami. Chai huasica «Líbano urcumanta caspicuna» nishca shutimi carca. Chai huasica largomanca chuscu chunga pichca metromi carca. Anchomanca, ishcai chunga ishcai metro chaupimi carca. Altomanca chunga quimsa metro chaupimi carca. Chai huasitaca cedro caspimanta ruhuashca pilarcunahuanmi chuscu filata ruhuashpa shayachirca. Chai jahuapi churana vigacunapish cedro caspillatacmi carca.

1 REYES 7:51

Mandac Diospac huasipica jatun mandac Salomón ruhuanata yuyarishcataca chashnami tucui ruhuashpa tucuchirca. Chai quipami Salomonca Diospac cachun, paipac taita David chicanyachishca curita, cullquita, ashtahuan ima charishcacunataca Mandac Diospac huasiman aparca. Chaipimi ima charishcacunata huacaichina ucucunapi churarca.

1 REYES 8:66

Ña pusac punzhapica Salomonca cayacaman nishpami gentecunataca cacharca. Chashna cachacpimi, paicunaca jatun mandacta bendiciashcamanta, shungupi yallita cushicushpa paicunapac huasicunaman cutircacuna. Mandac Dios paita servic Davidman, pai acllashca israelcunaman tucui allicunata ruhuashcamantami chashna cushicurca.

1 REYES 9:10

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuashpa tucuchirca.

1 REYES 9:11

Chai huasicunata ruhuangapacca Tiro llactata jatun mandac Hirammi cedro caspicunata, ciprés caspicunata, shinallatac curitapish mashna munashcata curca. Chaimantami jatun mandac Salomonca Galilea llacta ishcai chunga pueblocunata Hiramman curca.

1 REYES 9:19

Shinallatac imalla tiyashcacunata huacaichingapac pueblocunatapish allichircami. Macanacuna carretacunata huacaichina pueblocunatapish, caballocunata charina pueblocunatapish shayachircami. Jerusalenpi, Líbano llactapi, pai mandacuc tucui llactacunapi ima ruhuana cashcataca tucuimi ruhuarca.

2 CRÓNICAS 7:1

Salomón chashna mañacpica, jahua pachamanta nina shamushpami Diosman cushpa huañuchishca animalcunapac aichataca tucui rupachirca. Diospac huasipica Mandac Diospac sumaimana achicmi jundarca.

2 CRÓNICAS 7:11

Salomonca Mandac Diospac huasitapish, pai mandashpa tiyana huasitapish tucuchircami. Mandac Diospac huasipi pai mandashpa tiyana huasipipish tucui ima ruhuanata yuyarishcaca Salomonmanca tucuimi alli carca.

2 CRÓNICAS 8:1

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuanata tucuchirca.

2 CRÓNICAS 8:6

Baalat pueblotapish, imata Salomón charishcacunata huacaichina tucui pueblocunatapish, macanacuna carretacunatapish, caballocunata charina tucui pueblocunatapish allichircami. Salomonca Jerusalenpi, Líbano llactapi, pai mandacushca tucui llactacunapica pai munashcatami ruhuarca.

ECLESIASTÉS 2:10

Ñuca shunguca tucuita ruhuashcahuanmi cushicurca. Chaimantami ñuca ñahui imata munashcata ruhuarcani. Ima shina cushicunata munashpaca chashnatacmi cushicurcani. Chaicunataca ñuca shunguhuan ruhuashpatacmi yallita cushicurcani.

ECLESIASTÉS 2:4

Ñucaca jatun ruhuaicunatami ruhuachircani. Huasicunatapish shayachircani. Uvas chagracunatapish tarpurcani.

ECLESIASTÉS 6:9

Chingarinallata yuyanapac randica, ricunami ashtahuan alli. Chaipish huairata caticuc shina yangallami.