1 REYES 8:7 - Dios Rimashcata Quillcashcami

⁷ Chai querubincunaca Diospac Arca jahuatami alasta chutashca carcacuna. Chashnami Arcatapish huanduna vara caspicunatapish alas-huan tapashca carca.

1 REYES 8:7 ပူးပေါင်းရင်းမြစ်များ

1 REYES 6:27

Chai querubincunataca Diospac huasipi cac Diospaclla chicanyachishca ucupimi churarca. Shuc querubinpac alasca caishuc lado pircaman tupacta, caishuc querubinpac alaspish caishuc lado pircaman tupactami carca. Chaupipica caishuc alascunahuan tupachinacushcami carca.

1 REYES 8:6

Chai quipami curacunaca Mandac Dios ari nishca quillcata huacaichina Arcataca Dios-huan tupana huasiman yaicuchishpa, Diospaclla chicanyachishca ucuman apashpa querubincunapac alas ucupi churarca.

1 REYES 8:8

Chai vara caspicunaca largo cashcamantami, chai caspi umacunaca Diospac chicanyachishca ucu ñaupamantaca ricunalla carca. Shina cashpapish canzhamantaca mana ricunallachu carca. Chaica cunancamanmi chashnallatac tiyacun.

ÉXODO 25:20

Chai querubincunaca tapa jahuapimi alascunahuan tapata quillpashca ñahuipura ricushpa tiyacunga. Chai querubincunaca chimbapurashpami, tapata ricushpa tiyacunga.

ISAÍAS 6:2

Paipac jahuapica serafín angelcunami tiyacurca. Cada angelmi sucta alasyuc carca. Chai angelcunaca ishcai alas-huanca paicunapac ñahuita, caishuc ishcai alas-huanca chaquitami tapashca carca. Cutin caishuc ishcai alas-huanca volacurcami.

NÚMEROS 4:6

Chai jahuapica delfín carahuan catashpa, morado pañohuan jahuata catachishpami, huanduna varata churanga.

HEBREOS 9:5

Chai cajón jahuapica Dios chaipi cashcata ricuchic alasyuc querubincunami tapata alas-huan pacashpa shayacurca. Cunanca caicunamanta tucuita mana yachachinachu cani.