1 REYES 8:66 - Dios Rimashcata Quillcashcami

⁶⁶ Ña pusac punzhapica Salomonca cayacaman nishpami gentecunataca cacharca. Chashna cachacpimi, paicunaca jatun mandacta bendiciashcamanta, shungupi yallita cushicushpa paicunapac huasicunaman cutircacuna. Mandac Dios paita servic Davidman, pai acllashca israelcunaman tucui allicunata ruhuashcamantami chashna cushicurca.

1 REYES 8:66 ပူးပေါင်းရင်းမြစ်များ

GÉNESIS 47:7

Joseca paipac taita Jacobotapish Faraonman ricsichingapac pusharcami. Chashna ricsichicpimi, Jacoboca Faraonta bendiciarca.

1 REYES 8:1

Tucuita ruhuashca quipami Salomonca paipac ñaupaman israelcunata pushac yuyaccunata, Israel aillucunata tucui mandaccunata, Israel familiacunata mandaccunata Jerusalenman tandachirca. Paicunataca Mandac Dios ari nishca quillcata huacaichina Arcata Davidpac pueblo Sionmanta apamungapacmi tandachirca

1 REYES 8:47

Paicunaca prezu apashca llactapi cashpami, canta mana cazushcata yuyaringacuna. Shina yuyarishpa, paicuna mañashpaca: “Juchatami ruhuashcanchic. Millaita ruhuashpami pandarishcanchic” ningacunami.

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

1 REYES 9:1

Salomonca Mandac Diospac huasitapish, pai mandashpa tiyana huasitapish, tucui imata ruhuangapac yuyaricushcatapish tucuimi tucuchirca.

2 CRÓNICAS 29:36

Mandac Dios tucui chaicuna pai acllashcacunaman utca ruhuashcamantami Ezequiaspish, tucui gentecunapish yallita cushicurca.

2 CRÓNICAS 30:26

Chashnami Jerusalenpica yallita cushicurcacuna. Israel llactata jatun mandac Davidpac churi Salomón mandacui punzhamanta pachami Jerusalenpica chashna fiestaca mana tiyarca.

2 CRÓNICAS 7:10

Canchis quilla ishcai chunga quimsa punzhapimi jatun mandacca tucui gentecunata paicunapac huasicunaman cacharca. Mandac Diosca Davidmanpish, Salomonmanpish, Diosllatac acllashca israelcunamanpish allicunata ruhuashcamantami tucui shunguhuan cushicushpa rircacuna.

NEHEMÍAS 8:10

Chai quipa paicunataca: «Cai punzhaca ñucanchic jatun Diospac chicanyachishca punzhami. Chaimanta alli micunacunata micuichic, mishqui vinotapish ubiaichic. Ima micunata mana chariccunaman micunata cachaichic. Mana llaquirinachu canguichic. Ashtahuanpish Mandac Diosmi cushichishpa sinchiyachin» nirca.

NEHEMÍAS 9:25

Muyundita pircashca pueblocunatapish, alli allpacunatapish, tucui allicunata huacaichishca, huasicunatapish japircacunami. Yacuta jundachina jutcucunatapish, uvas chagracunatapish, olivos yuracunatapish, pucuc yuracunatapish japircacunami. Can cuyashcamantami, sacsacta micushpa, huirayashpa can cuyashcamanta cushicushpa causarcacuna.

SALMOS 122:6

Jerusalenpi cushi causai tiyachun mañashpaca: «Canta cuyaccunaca cushilla causachun.

SALMOS 122:9

Ñucanchicta Mandac Diospac huasita cuyashcamantami can alli cachun munani.

ISAÍAS 63:7

Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.

SOFONÍAS 3:14

¡Sionpi causaccunalla, cantaichicyari! ¡Israelcunalla, cushicushpa caparichicyari! ¡Jerusalenpi causaccunalla, tucui shunguhuan yallita cushicuichicyari!

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

DEUTERONOMIO 12:12

Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.

DEUTERONOMIO 12:18

Mandac Dios acllashca pushtuman rishpa, paipac ñaupapi ushicunahuan, churicunahuan, servic caricunahuan, servic huarmicunahuan, cancunapac llactapi causac levitacunahuan micunguichic. Chaipimi cancunapac maquihuan ruhuashcata Mandac Dios bendiciashcamanta cushicuna canguichic.

DEUTERONOMIO 12:7

Chaipimi Mandac Diospac ñaupapi cancunapish, familiacunapish cushicushpa, micuna canguichic. Cancunapac maquihuan ruhuashcata cancunata Mandac Dios bendiciashcamantami chashna cushicuna canguichic.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

FILIPENSES 4:4

¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.

JOSUÉ 22:6

Chai quipaca Josué paicunata bendiciashpa cayacaman nicpica, paicuna causana carpa huasicunaman cutircacunallami.