1 REYES 8:65 - Dios Rimashcata Quillcashcami

⁶⁵ Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

1 REYES 8:65 ပူးပေါင်းရင်းမြစ်များ

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

1 REYES 3:15

Salomón riccharishpaca, muscuilla cashcatami yuyarca. Chaimantami Jerusalenman cutishpa, Mandac Dios ari nishcata huacaichina Arca ñaupapi Diosman animalcunata cushpa, huañuchishpa tucui rupachirca. Dios-huan alli cangapacpish animalta cushpa huañuchircami. Chai quipaca jatun micuita ruhuashpami tucui paita serviccunaman cararca.

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

1 REYES 4:24

Salomonca Eufrates yacumantaca inti tigrana tucui ladota, shinallatac Tifsa pueblomantaca Gaza pueblocaman jatun mandaccunatami mandacurca. Shina cacpimi, muyundi llactapi causaccunapish, mana macanacushpa alli causarca.

1 REYES 8:2

Etanim shuti canchis quillapimi tucui israelcuna jatun mandac Salomonhuan tandanacurca. Chai quillaca jatun fiestata ruhuana punzhacunami carca.

1 REYES 8:66

Ña pusac punzhapica Salomonca cayacaman nishpami gentecunataca cacharca. Chashna cachacpimi, paicunaca jatun mandacta bendiciashcamanta, shungupi yallita cushicushpa paicunapac huasicunaman cutircacuna. Mandac Dios paita servic Davidman, pai acllashca israelcunaman tucui allicunata ruhuashcamantami chashna cushicurca.

2 REYES 14:25

Israelcunata Mandac Dios paita servic Jonasman ima shina huillashca shinallatacmi Israel llacta punta linderotaca Hamat puebloman yaicuna ladomantaca Arabá mama cucha ladocaman cutin allichishpa japirca. Jonasca Gat-hefer pueblomanta Amitaipac churimi carca.

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

2 REYES 23:33

Paitaca Jerusalenpi ama ashtahuan mandashpa catichunmi Egipto llactata jatun mandac Necaoca Hamat llacta Ribla pueblopi prezu churarca. Chai quipami Judá llactapi causaccunataca patsac talento cullquita, shuc talento curita huatanta impuestota cuchun mandarca.

1 CRÓNICAS 1:16

arvadeo, zemareo, hamateo gentecunapish Canaanpac huahua huahuacunami carca.

1 CRÓNICAS 13:5

Chaimantami Davidca Diospac Arcata Quiriat-jearim pueblomanta apamungapac Egipto linderopi tiyac Sihor pambamanta callarishpa, Hamat pueblo yaicunacaman tucui israelcunata tandachirca.

2 CRÓNICAS 30:13

Chaimantami quipa quillapica levadura illac tandata micuna fiesta punzhata yuyaringapac achca gentecuna Jerusalenpi tandanacurca.

2 CRÓNICAS 30:23

Chaipi cac tandanacushca gentecunaca yapachishpami cutin canchis punzhata fiestata ruhuanata yuyarircacuna. Shina yuyarishpami, canchis punzhata cushicurca.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

ISAÍAS 27:12

Chai punzhapica Mandac Diosmi Eufrates jatun yacu ladomanta Egipto jatun yacu ladocaman trillac shina tandachinga. Chaipimi can israelcunataca shucllancaman tandachinga.

EZEQUIEL 47:19

Ura lado linderoca Tamar llactamantaca Meriba yacucaman, Cades llactamanta Egipto llacta tupanacuipi tiyac yacuta catishpa, mama cuchacamanmi canga.

AMÓS 6:14

Chaimantami tucuita Mandac Diosca: «Israelcuna uyaichic. Cancunata llaquichichunca shuctac llactatami jatarichisha. Chai llactaca Lebo-hamat llactaman yaicunamanta Arabá llacta jatun yacu ladocamanmi llaquichinga» ninmi.

AMÓS 6:2

Cancunaca Calne llactaman rishpa ricuichic. Chaimantaca Hamat llactaman richic. Chai quipaca filisteocuna causana Gat llactaman richic. Cancunaca, ¿chai llactacunata yallichu canguichic? ¿Chai llactacunata atishpa, ashtahuan jatun llactapichu causanguichic?

NÚMEROS 34:5

Chai linderoca Asmonmantaca Egipto huaicu jatun yacuta rishpami, mama cuchapi tucuringa.

NÚMEROS 34:8

Chaimantaca Hamatman yaicunacamanmi linderohuan churashca canga. Chai linderoca Zedadcamanmi ringa.

JOSUÉ 13:3

Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

JOSUÉ 13:5

Shinallatac giblitascunapac llactapish, inti llucshina ladoman cac Líbano tucui llactapish tiyanracmi. Hermón urcu chaquipi tiyac Baal-gad pueblomanta Lebo-hamat pueblocamanmi tiyanrac.

JOSUÉ 15:1

Judapac churicunamanpish paicuna mashna cashcata ricushpami suerteta ruhuashpa curca. Paicunaca Edom llactacaman, shitashca pamba Zincamanmi inti llucshina ladoman japirca.

JOSUÉ 15:4

Chaimantaca Asmón pueblota pasashpa, Egipto jatun huaicu yacuta catishpa, mama cuchacamanmi carca. Ura lado linderoca caicunami carca.

JOSUÉ 19:35

Muyundita pircashca pueblocunaca: Sidim, Zer, Hamat, Racat, Cineret,

JUECES 3:3

Chai llactacunaca caicunami: Filisteocunamantaca pichca pushaccuna, tucui cananeocuna, Líbano urcu llactapi causac sidoniocunapish, heveocunapish cancuna. Paicunapac llactaca Baal-hermón urcumantaca Hamat pueblocamanmi carca.