1 REYES 8:6 - Dios Rimashcata Quillcashcami

⁶ Chai quipami curacunaca Mandac Dios ari nishca quillcata huacaichina Arcataca Dios-huan tupana huasiman yaicuchishpa, Diospaclla chicanyachishca ucuman apashpa querubincunapac alas ucupi churarca.

1 REYES 8:6 ပူးပေါင်းရင်းမြစ်များ

2 SAMUEL 6:17

Chashna apamushpami, Mandac Diospac Arcataca David ruhuashca shuc carpa huasipi churana pushtupi churarca. Chai quipaca, Davidca Mandac Diosman animalcunata cushpami tucui rupachirca. Shinallatac Dios-huan alli tucungapacpish animalcunatami curca.

2 SAMUEL 6:2

Chai quipami, Davidca tucui paihuan cac gentecunandi, Judá llacta Baala pueblomanta Diospac Arcata apamungapac rirca. Chai Arcapimi tucuita Mandac Diosta mañac carca. Chaica querubincunapac chaupipimi carca.

1 REYES 6:16

Shinallatac chai huasi ucupica ucu pambamanta pacha jahuacamanmi iscun metrota charic ucuta cedro tablahuan ruhuarca. Chai ucutaca Diospaclla chicanyachishca cachunmi ruhuarca.

1 REYES 6:19

Mandac Dios ari nishca quillcata huacaichina Arcata churangapacmi Diospaclla chicanyachishca ucutaca alli allichirca.

1 REYES 6:27

Chai querubincunataca Diospac huasipi cac Diospaclla chicanyachishca ucupimi churarca. Shuc querubinpac alasca caishuc lado pircaman tupacta, caishuc querubinpac alaspish caishuc lado pircaman tupactami carca. Chaupipica caishuc alascunahuan tupachinacushcami carca.

1 REYES 8:3

Israelcunata pushac tucui yuyaccuna shamucpimi, curacunaca Diospac Arcata japircacuna.

1 REYES 8:4

Mandac Diospac Arcatapish Dios-huan tupana huasitapish, Diospacta ruhuangapac chai carpapi imalla tiyashcacunatapish apamurcacuna. Chaicunataca curacuna shinallatac levitacunami apamurcacuna.

1 REYES 8:7

Chai querubincunaca Diospac Arca jahuatami alasta chutashca carcacuna. Chashnami Arcatapish huanduna vara caspicunatapish alas-huan tapashca carca.

1 CRÓNICAS 22:19

Chaimanta cancunaca cancunata Mandac Diosta tucui shunguhuan, tucui yuyaihuan mashcaichic. Mandac Dios ari nishca quillcata huacaichina Arcatapish Diospaclla chicanyachishca ima charishcacunatapish, apamungapac Mandac Diospac huasitaca shayachi callarichic» nirca.

2 CRÓNICAS 5:7

Chai quipami curacunaca Mandac Dios ari nishca quillcata huacaichina Arcataca maipi churana cashca pushtuman aparcacuna. Shina apashpaca, Diospac huasiman yaicuchishpami Diospaclla chicanyachishca ucuman apashpa querubincunapac alas ucupi churarca.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

SALMOS 80:2

Can tucuita ruhuac cashcahuan Efrainpac, Benjaminpac, Manasespac aillucunapac ñaupapi ñucanchicta quishpichingapac shamuiyari.

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

ÉXODO 37:9

Chai querubincunaca tapa jahuapimi alascunata chutashpa, tapata quillpashca, ñahuipura ricushpa tiyacurca.

ISAÍAS 37:16

«Israelcunapac tucuita Mandac Dioslla, canca querubincunapac chaupipimi causangui. Canllami tucui cai pachata mandaccunapac Mandac Dios cangui. Jahua pachatapish, cai pachatapish canmi ruhuarcangui.

EZEQUIEL 10:5

Shinallatac querubincunapac alascuna patac nishcapish Mandac Dios rimashca shinami, paipac huasi ucupi tiyac canzha pambacaman uyarirca.

EZEQUIEL 41:4

Diospaclla chicanyachishca ucuca largomanpish, anchomanpish chunga metromi carca. Chai quipami ñucataca: «Caimi Diospaclla chicanyachishca huasica» nirca.

1 SAMUEL 4:4

Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.