1 REYES 8:58 - Dios Rimashcata Quillcashcami

⁵⁸ Ñucanchic shungupica paillatac cazuna yuyaita ashtahuan churachun. Ñucanchic taitacunaman cushca mandashcacunata, imata ruhuachun mandashcacunata, quillcachishca shimicunatapish cazuna yuyaita cuchun.

1 REYES 8:58 ပူးပေါင်းရင်းမြစ်များ

1 REYES 8:59

Mandac Diospac ñaupapi ñuca mañashca rimaicunaca punzhapish, tutapish ñucanchicta Mandac Diospac yuyaipi cachun. Shinallatac paita servic ñucamanpish pai acllashca israelcunamanpish ima illashcata ricushpa, ima punzha imata ruhuana cacpipish ruhuachun.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SALMOS 119:36

Ñuca shungutaca ima shina causanata can yachachishcata cazuchun ayudaiyari. Charinallata munachunca ama saquinguichu.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:45

Egipto llactamanta israelcuna llucshishca quipa Moisés paicunaman huillashca mandashcacuna, pactachinacuna, ima shina causanata yachachishcacunaca caicunami.

DEUTERONOMIO 6:1

Cancuna allpata japishpa, chaipi causashpa, cazuchunmi Mandac Diosca cai mandashcacunatapish, pactachinacunatapish, yachachishcacunatapish yachachichun mandarca.

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

JOSUÉ 24:23

Shina nicpimi Josueca: —Shina cashpaca cunanca, cancunapac chaupimanta shuctac dioscunata anchuchishpa, israelcunata Mandac Diosllata tucui shunguhuan manchashpa causaichic— nirca.