1 REYES 8:52 - Dios Rimashcata Quillcashcami

⁵² Canta servic ñuca mañashcata, can acllashca israelcuna mañashcata ricushpa, ñucanchic ima llaquihuan cashpa, mañacuctaca uyanguiyari.

1 REYES 8:52 ပူးပေါင်းရင်းမြစ်များ

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

1 REYES 8:53

Jatun Mandac Dioslla, ñucanchictaca tucui cai pachapi causacpuramantami cambac cachun acllarcangui. Chaitaca ñucanchic ñaupa taitacunata Egiptomanta llucshimushpa, canta servic Moisesman huillashca shinallatacmi, chashna ruhuarcangui» nirca.

2 CRÓNICAS 6:40

Cunanca ñuca Dioslla, caipi canta mañashcataca cambac ñahuihuan ricunguiyari. Cambac ringrihuan uyanguiyari.

SALMOS 145:18

Mandac Diosca, mana nic tucushpalla paita mañaccunapac cuchupimi.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.