1 REYES 8:41 - Dios Rimashcata Quillcashcami

⁴¹ Shinallatac shuc llactamanta shamushca mana can acllashca Israelpura cashpapish, cambac shutita alli ningapacmi shamunga.

1 REYES 8:41 ပူးပေါင်းရင်းမြစ်များ

1 REYES 8:40

Can shina ruhuacpimi, ñucanchic ñaupa taitacunaman can cushca llactapi causacushpaca, tucui causai punzhacunapi canta manchashpa causanga.

1 REYES 8:42

Cambac shutitapish, jatun imatapish ruhuaclla Dios cashcatami cantaca yachac chayangacuna. Chashna yachashpami, cai huasipi canta mañac shamunga.

2 CRÓNICAS 6:32

Shinallatac shuc llactamanta shamushca, mana can acllashca israelpuramanta cashpapish, can jatun cashcata, imatapish ruhuaclla Dios cashcatami cantaca yachac chayangacuna. Chashna yachashpami, cambac shutita alli nishpa, cai huasipi maquita alzashpa canta mañac shamunga.

JEREMÍAS 3:17

Chai punzhacunapica Jerusalentaca ‘Mandac Dios mandashpa tiyarinami’ ningami. Tucui llactacunamantami Jerusalenman shamushpa, Mandac Diospac shutipi mañanga. Ña mana ashtahuan paicunapac shungu munashcata ruhuangachu.

NÚMEROS 15:16

Cai mandashcallatatacmi cancunapish, caru llactamanta shamushpa, cancunahuan causaccunapish pactachina canguichic” ninmi ningui» nirca.

NÚMEROS 15:29

Mana yachashcamanta juchalliccunaca israelcunapish, shuctac llactamanta shamushpa paicunahuan causaccunapish shuc mandashcallatacmi charincuna.

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

SAN MATEO 8:5

Jesús Capernaúm puebloman chayagricucpi, Roma llactamanta pasac soldadocunata mandac cuchuyashpaca:

SAN LUCAS 17:18

Cai mana Israel runami, Diosta alli ningapac cutimushca, ashtahuanpish israelcunaca mana cutimushcachu— nirca.

SAN JUAN 12:20

Jerusalén fiestapi Diosta alli ningapac riccunapurapica, maijan griego gentecunapishmi carca.

RUT 1:16

Ashtahuanpish Rutca: —Canta saquishpa, canmanta caruyachun ama mañaichuyari. Can maiman ricpipish, ñucapish chaimanmi risha. Can maipi causacpipish chaipimi causasha. Cambac llactapish ñuca llactami canga. Cambac Diospish ñuca Diosmi canga.

RUT 2:11

Shina nicpimi Boozca: —Cambac cusa huañushca quipa cambac suegramanta tucui imata ruhuashcatapish yachanimi. Cambac taita mamatapish, cambac huacharishca llactatapish saquishpami, mana ricsishca llactaman causangapac shamushcangui.