1 REYES 8:35 - Dios Rimashcata Quillcashcami

³⁵ Canta mana cazushpa, paicuna juchata ruhuashcamantaca jahua pachata huichcashpami mana tamyachingui. Paicunata chashna llaquichicpica, cai huasipi canta mañashpami, cambac shutita alli nishpa canman tigraringacuna.

1 REYES 8:35 ပူးပေါင်းရင်းမြစ်များ

2 SAMUEL 24:10

Chai gentecunata David yupachishpaca, mana allita ruhuashcatami paipac shungupimi sintirca. Chaimantami Davidca Mandac Diostaca: —Caita ruhuashpaca yallitami juchallishcani. Caitaca yuyai illac shinami ruhuashcani. Cunanca, Mandac Diosllatac canta servic ñucamanta cai juchata anchuchiyari— nirca.

2 SAMUEL 24:13

Shina nicpimi, Gadca David yachachun huillangapac rishpaca: —¿Canchis huatata yalli yarcai tiyachunchu? ¿Mana cashpaca canta piñaccunamanta quimsa quillata miticushpa ricpi, paicuna catichunchu? ¿Mana cashpaca cambac llactapi quimsa huatata yalli ungüi tiyachunchu munangui? Cunanca ñuca imata nigringapac allita yuyarishpa ni— nirca.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 8:33

Can acllashca israelcunaca canta mana cazushpa juchallishcamantami paicunata piñaccunapac ñaupapi llaqui tucungacuna. Shina tucushpaca canman tigrarishpa, cambac shutita alli nishpa, cai huasipi mañacpica,

1 REYES 8:34

jahua pachapi uyashpami, can acllashca israelcunapac juchata perdonangui. Shina perdonashpaca, paicunapac ñaupa taitacunaman can cushca llactaman cutichimunguiyari.

2 CRÓNICAS 6:24

Can acllashca israelcunaca canta mana cazushpa juchallishcamantami paicunata piñaccunapac ñaupapi llaqui tucunga. Shina tucushpaca, canman tigrarishpa cambac shutita alli nishpa, cai huasipi mañacpica,

2 CRÓNICAS 6:26

Canta mana cazushpa, paicuna juchata ruhuashcamantaca jahua pachata huichcashpami mana tamyachingui. Paicunata chashna llaquichicpica, cai huasipi canta mañashpami, cambac shutita alli nishpa, canman tigraringa.

JOB 12:15

Pai mana tamyachicpica, tucuimi chaquin. Pai yallita tamyachicpica, allpa ucuyanmi.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

EZEQUIEL 14:13

«Huañunalla runa, cai llactapi causaccuna ñucata saquishpa, juchata ruhuacpica, ñucallatacmi ñuca maquita alzashpa llaquichisha. Micunata mana cushpami, yarcaihuan tucuchisha. Chashnami yalli yarcaihuan gentecunatapish, animalcunatapish tucuchisha.

OSEAS 14:1

¡Israelcunalla, cancunata Mandac Diospacman cutirichicyari! ¡Cancunaca juchallishcamantami urmashcanguichic!

LEVÍTICO 26:19

Jatun tucushca cancunataca yangallatami ruhuasha. Jahua pachatapish fierro shinata ruhuashpami mana tamyachisha. Cancunapac allpaca bronce shina tucushpami mana pucunga.

HAGEO 1:10

Cancuna chashna ruhuashcamantami jahua pachapish tamyata mana ashtahuan cacharca. Allpapipish mana ashtahuan pucurcachu.

ZACARÍAS 14:17

Cai pacha familiacunamanta maijan Jatun Mandacta, tucuita Mandac Diosta Jerusalenpi mañangapac mana shamucpica, paicunapac llactapi mana tamyangachu.

MALAQUÍAS 3:10

Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

SAN LUCAS 4:25

Elías huillacui punzhacunapica, Israel llactapica, achca viuda huarmicunami tiyarca. Chai punzhacunapi quimsa huata, sucta quillata mana tamyacpica, tucui llactacunapimi yarcai tiyarca. Chaica, chashnatacmi carca.

ROMANOS 10:9

Cambac shimihuan “Jesusca ñucata Mandacmi” nishpa, tucui shunguhuan Dios Jesusta huañushcacunapuramanta causachishcata crishpaca quishpiringuimi.

ROMANOS 15:9

Cristoca Dios quillcachishcapi nishca shina, mana israelcunatapish Diosta alli nichunmi shamurca. Dios quillcachishcapica: «Chaimantami tucui llactacunapi canta pagui nisha. Cambac shutitapish cantashami» ninmi.

DEUTERONOMIO 11:16

Shungupi pandarishpa, Diosta catinata saquishpa, shuctac dioscunapac ñaupapi ama cunguringuichicchu.

DEUTERONOMIO 11:17

Chashna mana allita ruhuacpica, Mandac Dios nina japiric shina piñarishpami, pai cusha nishca sumac llactapica jahua cielota huichcac shina mana tamyachinga. Allpacunapish mana pucucpica, utcami tucuringuichic.

DEUTERONOMIO 28:12

Paica jahua pachata pascac shinami, tamyana punzhapitac cancunapac allpapi tamyachishpa, cancunapac maquihuan ruhuashcataca bendicianga. Cancunaca imata mana mañanguichicchu, ashtahuanpish cancunami shuctac llactacunapi causaccunamanca mañachinguichic.

APOCALIPSIS 11:6

Chai ishcai huillaccunaca, paicuna huillacui punzhacuna ama tamyachun, tamyata jarcai pudincunami. Yacucunatapish yahuarta ruhuangapac poderta charincunami. Allpa pachapi ima tiyashcatapish tucuilaya llaquicunahuan, mashna cutinpish llaquichi pudincunami.