1 REYES 8:21 - Dios Rimashcata Quillcashcami

²¹ Chai huasipimi Diospac Arcata churangapac shuc ucuta ruhuarcani. Chai Arcapica, ñaupa taitacunata Egiptomanta llucchimushpa, Mandac Dios paicunahuan ari nishca quillcami tiyacun» nirca.

1 REYES 8:21 ပူးပေါင်းရင်းမြစ်များ

1 REYES 8:9

Diospac Arcapica ima shucca mana tiyarcachu. Horeb urcupi cashpa, Moisés churashca ishcai tabla rumicunallami tiyacurca. Chai rumicunapica, Egiptomanta llucshimucpi, Mandac Dios israelcunahuan ari nishcatami quillcashca carca.

1 CRÓNICAS 22:19

Chaimanta cancunaca cancunata Mandac Diosta tucui shunguhuan, tucui yuyaihuan mashcaichic. Mandac Dios ari nishca quillcata huacaichina Arcatapish Diospaclla chicanyachishca ima charishcacunatapish, apamungapac Mandac Diospac huasitaca shayachi callarichic» nirca.

ÉXODO 24:8

Shina nicpimi, Moisesca yahuarta japishpa, tucui israelcunapac jahuapi chirapashpaca: —Cai yahuarca Mandac Dios-huan ari nishcata ricuchicmi— nirca.

ÉXODO 34:28

Moisesca mana micushpa, mana yacuta ubiashpami, chaipica chuscu chunga punzhata, chuscu chunga tutata Mandac Dios-huanca carca. Chaipimi Moisesca tabla rumicunapi ari nishca chunga mandashcacunata quillcarca.

DEUTERONOMIO 31:26

«Mandashcacunata quillcashca librota japishpa, Mandac Dios-huan ari nishca quillcata huacaichina Arca ladopi churaichic. Chaipimi cancunata llaquichinata ricuchishpa tiyacunga.

DEUTERONOMIO 9:11

Chuscu chunga punzha, chuscu chunga tuta tucucpica, Mandac Diosca cancunahuan ari nishcata quillcashca ishcai tabla rumita curcami.

DEUTERONOMIO 9:9

Mandac Dios cancunahuan ari nishca tabla rumita urcumanta apamungapac rishpaca, chuscu chunga punzha, chuscu chunga tutatami mana micushca, yacuta mana ubiashca carcani.