1 REYES 7:46 - Dios Rimashcata Quillcashcami

⁴⁶ Chai tucui charinacunataca jatun mandacca Jordán pambapimi ruhuachirca. Chaipica quillu allpami carca. Chai pambaca Sucot pueblohuan Saretán pueblohuan chaupipimi carca.

1 REYES 7:46 ပူးပေါင်းရင်းမြစ်များ

GÉNESIS 33:17

Cutin Jacoboca Sucotman rishpami, chaipi pai causana huasitapish, animalcuna shayana chucllatapish ruhuarca. Chaimantami chai allpataca Sucotta shutichirca.

1 REYES 4:12

Ahiludpac churi Baanaca Taanac, Miguido pueblocunatapish, Zaretán pueblo ladollapi tiyac, Bet-seán tucui llactatami mandacurca. Zaretán puebloca, Jezreel pueblo ura ladomanmi carca. Bet-seán pueblomantaca Abel-mehola pueblocaman, shinallatac chimba lado Jocmeam pueblocunatapish mandacurcami.

2 CRÓNICAS 4:17

Caicunataca Sucot pueblohuan, Seretan pueblohuan, chaupipi tiyac Jordán yacu lado quillu allpapimi jatun mandacca ruhuarca.

JOSUÉ 13:27

Yacu lado pambapica Bet-aram, Bet-nimra, Sucot, Zafón pueblocunapishmi carca. Shinallatac Hesbón pueblopi causaccunata jatun mandac Sehón mandacushca pueblocamanmi carca. Chaica, Jordán yacu inti llucshina ladomantaca Cineret mama cucha tucuricamanmi carca.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.